Megan Markl va shahzoda Garrining uyiga ikki marta buzib kirilgan

Shahzoda Garri va Megan Marklning Kaliforniyadagi dala hovlisiga aynan bir qonunbuzar ikki marta Rojdestvo bayramida buzib kirgan. Bu haqda Tengrinews xabar berdi.

Ma’lumotlarga ko‘ra, 2020-yilning 24-dekabr kuni birinchi marta politsiya xodimlari saroy hududiga noqonuniy kirib kelganlikda gumon qilingan shaxsni qo‘lga olgan. Keyin 37 yoshli Nikolas Bruks ogohlantirish olgan va qo‘yib yuborilgan. Qonunbuzar keyingi urinishni 26-dekabr kuni amalga oshirgan va shundan keyin hibsga olingan.

Hozirda unga chegarani buzganlik ayblovi qo‘yilmoqda. Xabar berilishicha, Bruks bu ishni bajarish uchun Ogayo shtatidan kelgan. Qonunbuzarning nega u uyga borgani va o‘g‘rilik paytida dala hovlida Sasseks gersogi va gersoginyasi bo‘lgan, bo‘lmagani noma’lum.

Shahzoda Garri Opra Uinfri bilan bo‘lgan suhbatda so‘nggi yillarda u va uning oilasi duch kelgan xavfsizlik muammolari haqida gaplashgandan so‘ng mazkur qonunbuzarlik oshkor bo‘ldi. Britaniya qirollik oilasi intervyuga oid rasmiy bayonotni e’lon qildi. Shuningdek, Buyuk Britaniya qirolichasi Yelizaveta II nabirasi bilan telefon orqali gaplashganidan keyin nizoni to‘xtatish niyatida.

Ma’lumot uchun, Britaniya shahzodasi Garri va uning rafiqasi Megan Marklning amerikalik teleboshlovchi Opra Uinfri bilan intervyusi bo‘lib o‘tdi. Ikki soatlik suhbat 7-mart kuni Amerika vaqti bilan soat 20:00 da CBS telekanalida namoyish etildi. Megan Markl va shahzoda Garri bilan bo‘lgan intervyu efirga chiqarilishidan bir necha soat oldin The Times nashri manbalariga asoslanib Bukingem saroyi tomonidan ushbu intervyuga qirol oilasiga nisbatan “urush e’lon qilish” sifatida qaralishini yozdi.

2020-yil yanvar oyida Buyuk Britaniya qirolichasi Yelizaveta II ning nabirasi, shahzoda Garri va uning rafiqasi Megan Markl qirollik oilasining yuqori martabali a’zolari maqomi va u bilan bog‘liq imtiyozlardan voz kechishini e’lon qilgan.