Italiyada ushbu tortni aynan 8-mart kuni tayyorlash odat tusiga kirgan. U yerda bahorning asosiy bayramini “Mimoza” deserti bilan birga nishonlashadi.
Kerakli mahsulotlar:
- tuxum − 5 dona;
- shakar − 200 gramm;
- un − 300 gramm;
- qabartma (razrixlitel) − 1 osh qoshiq;
- sariyog‘ − 1 choy qoshiq.
- sut − 175 ml;
- qaymoq 33 foizli − 170 ml;
- tuxum sarig‘i − 4 dona;
- shakar − 120 gramm;
- un − 2 osh qoshiq;
- vanil ekstrakti − 1/2 choy qoshiq.
- qaymoq 33 foizli − 170 ml;
- shakar upasi − 25 gramm.
- Tuxum shakar bilan 1-2 daqiqa davomida mikserda aralashtiriladi.
- Ustidan elaklangan un, qabartma solinib, mikser qilishda davom etiladi.
- Diametri 18 va 20 santimetr bo‘lgan qoliplar yog‘lanadi. Ustidan un sepib, xamirlar ikki bo‘lakka bo‘linadi.
- Taxminan 30 daqiqa davomida 180 daraja pechda pishiriladi.
- Birinchi biskvitning qizargan yuzasi kesib olinadi. Qolgan qismi esa uch qavatga bo‘linadi.
- Ikkinchi biskvitning tepa yon qismlari kesib olinadi. So‘ngra uni uzunasiga bo‘lib, to‘trburchak shaklda kesib chiqiladi.
- Krem uchun sut va qaymoq biroz ilitib olinadi.
- Tuxum sarig‘i avval shakar bilan aralashtiriladi, so‘ngra vanil qo‘shiladi. Iliq sut va qaymoq ham solinib, aralashtirishda davom etiladi.
- Krem qalinlashgunga qadar olov ustida aralashtiriladi.
- So‘ngra alohida idishga olingan krem 3 soatga muzlatkichga qo‘yiladi.
- Qaymoq quyilguncha shakar upasi bilan yaxshilab aralashtiriladi.
- Biskvitlar qatlamiga avval qaymoqli aralashma, so‘ngra krem surtib chiqiladi.
- Oxirida tortning barcha tomonlari va yuzasi ham krem bilan qoplanadi.
- Hosil bo‘lgan shirinlik biskvit bo‘laklari yordamida bezatilib, muzlatkichga 4-6 soatga qo‘yiladi.
Izoh (0)