Pomidordan lolali guldasta. Bahoriy kayfiyat hadya etuvchi gazakni tayyorlab ko‘ring

Guldastalar qanchalar chiroyli bo‘lmasin, darrov so‘lib qoladi. Ammo pomidordan yasalgan lola guldasta ham dasturxonga ko‘rk bag‘ishlaydi, ham uning mazasi barchaga manzur keladi.

Kerakli mahsulotlar:

• bulg‘ur bug‘doyi – 1-2 osh qoshiq;
• uzunchoq shakldagi pomidor – 7-11 dona;
• feta pishlog‘i – ta’bga ko‘ra;
• zaytun yog‘i – 1 osh qoshiq;
• ko‘kat, tuz va ziravorlar.

1. Bulg‘ur bug‘doyi qaynatib olinadi, so‘ngra sovitishga qo‘yiladi.
2. Pomidorning to‘rt tomoni asta kesilib, ichidan go‘sht qismi ajratib olinadi.
3. Pomidorning go‘sht qismi maydalanib, bulg‘ur, ko‘kat, pishloq, yog‘, tuz va ziravorlar bilan aralashtiriladi.
4. Aralashma ehtiyotkorlik bilan pomidorlar ichiga solinadi va ko‘k piyozlar tozalanib, pomidorning tag qismiga joylashtiriladi.
5. Hosil bo‘lgan lola guldasta dasturxonga tortiladi.