Баҳорий кайфият: итальянча «Мимоза» тортини тайёрлаймиз

Италияда ушбу тортни айнан 8 март куни тайёрлаш одат тусига кирган. У ерда баҳорнинг асосий байрамини «Мимоза» десерти билан бирга нишонлашади.

Керакли маҳсулотлар:

• тухум − 5 дона;
• шакар − 200 грамм;
• ун − 300 грамм;
• қабартма (разрихлитель) − 1 ош қошиқ;
• сариёғ − 1 чой қошиқ.

• сут − 175 мл;
• қаймоқ 33 фоизли − 170 мл;
• тухум сариғи − 4 дона;
• шакар − 120 грамм;
• ун − 2 ош қошиқ;
• ваниль экстракти − 1/2 чой қошиқ.

• қаймоқ 33 фоизли − 170 мл;
• шакар упаси − 25 грамм. 

1. Тухум шакар билан 1-2 дақиқа давомида миксерда аралаштирилади.
2. Устидан элакланган ун, қабартма солиниб, миксер қилишда давом этилади.
3. Диаметри 18 ва 20 сантиметр бўлган қолиплар ёғланади. Устидан ун сепиб, хамирлар икки бўлакка бўлинади.
4. Тахминан 30 дақиқа давомида 180 даража печда пиширилади.
5. Биринчи бисквитнинг қизарган юзаси кесиб олинади. Қолган қисми эса уч қаватга бўлинади.
6. Иккинчи бисквитнинг тепа ён қисмлари кесиб олинади. Сўнгра уни узунасига бўлиб, тўтрбурчак шаклда кесиб чиқилади.
7. Крем учун сут ва қаймоқ бироз илитиб олинади.
8. Тухум сариғи аввал шакар билан аралаштирилади, сўнгра ваниль қўшилади. Илиқ сут ва қаймоқ ҳам солиниб, аралаштиришда давом этилади.
9. Крем қалинлашгунга қадар олов устида аралаштирилади.
10. Сўнгра алоҳида идишга олинган крем 3 соатга музлаткичга қўйилади.
11. Қаймоқ қуйилгунча шакар упаси билан яхшилаб аралаштирилади.
12. Бисквитлар қатламига аввал қаймоқли аралашма, сўнгра крем суртиб чиқилади.
13. Охирида тортнинг барча томонлари ва юзаси ҳам крем билан қопланади.
14. Ҳосил бўлган ширинлик бисквит бўлаклари ёрдамида безатилиб, музлаткичга 4-6 соатга қўйилади.