Futbol bo‘yicha Ispaniya Kubogi 1/2 final javob o‘yini doirasida “Barselona” 3-mart, chorshanba kuni o‘z uyida “Sevilya”ni qabul qildi.
O‘yinning 12-daqiqasida Usmon Dembele “Barselona”ni hisobda oldinga olib chiqdi. “Sevilya” 73-daqiqada masalani hal qilib qo‘yishi mumkin edi, biroq Lukas Okampos penaltidan foydalana olmadi. O‘yinning so‘nggi daqiqalarida mehmonlar bir o‘yinchi kam bo‘lib qoldi: Fernando ikkinchi sariq kartochkasini olib maydonni tark etdi.
Hakam tomonidan qo‘shib berilgan vaqtda urilgan Xerard Pikening goli jamoalarni qo‘shimcha bo‘limlarga taklif etdi. 95-daqiqada Martin Breytuyeyt mezbonlarning o‘yindagi 3-golini urdi. Qo‘shimcha bo‘limning qolgan daqiqalarida hisob o‘zgarmadi. 103-daqiqada zaxira o‘rindig‘idagi Lyuk de Yong qizil kartochkaga loyiq ko‘rildi.
Shu tariqa “Barselona” 3:0 hisobida g‘alaba qozondi va ikki o‘yin natijasiga ko‘ra (3:2) finalga yo‘l oldi. Kataloniya klubining finaldagi raqibi “Levante”—“Atletik Bilbao” uchrashuvidan so‘ng ma’lum bo‘ladi. Mazkur jamoalar o‘rtasidagi javob o‘yini 4-mart, payshanba oqshomiga belgilangan. Ular o‘rtasidagi dastlabki bahsda 1:1 hisobi qayd etilgan.
Ispaniya Kubogi1/2 final javob o‘yini3-mart, chorshanba
“Barselona”—“Sevilya” 3:0
Gollar: 1:0 – 12 Dembele, 2:0 – 90+4 Pike, 3:0 – 95 Breytuyeyt.
“Barselona” – ter Shtegen, Alba, Mingesa (Firpo, 78), Langle, Dest (Grizmann, 63), Pedri (Breytuyeyt, 89), de Yong, Dembele (Trinkau, 89), Buskets (Moriba, 78), Pike, Messi.
“Sevilya” – Vatslik, Akunya (Rekik, 54), Kunde, Diyego Karlos, Oliver Torres (Okampos, 62), Aleish Vidal (Navas, 54), Fernando, Jordan (Munir, 105), Suso (Gomes, 79), de Yong (Rakitich, 54), An-Nesiri.
Ogohlantirishlar: Fernando (37), Mingesa (67), Messi (73), Jordan (100), Kunde (101), An-Nesiri (103), Trinkau (119).
Chetlatish: Fernando (90), de Yong (103).
Birinchi o‘yin — 0:2.
Izoh (0)