Футбол бўйича Испания Кубоги 1/2 финал жавоб ўйини доирасида «Барселона» 3 март, чоршанба куни ўз уйида «Севилья»ни қабул қилди.
Ўйиннинг 12-дақиқасида Усмон Дембеле «Барселона»ни ҳисобда олдинга олиб чиқди. «Севилья» 73-дақиқада масалани ҳал қилиб қўйиши мумкин эди, бироқ Лукас Окампос пенальтидан фойдалана олмади. Ўйиннинг сўнгги дақиқаларида меҳмонлар бир ўйинчи кам бўлиб қолди: Фернандо иккинчи сариқ карточкасини олиб майдонни тарк этди.
Ҳакам томонидан қўшиб берилган вақтда урилган Херард Пикенинг голи жамоаларни қўшимча бўлимларга таклиф этди. 95-дақиқада Мартин Брейтуейт мезбонларнинг ўйиндаги 3-голини урди. Қўшимча бўлимнинг қолган дақиқаларида ҳисоб ўзгармади. 103-дақиқада захира ўриндиғидаги Люк де Йонг қизил карточкага лойиқ кўрилди.
Шу тариқа «Барселона» 3:0 ҳисобида ғалаба қозонди ва икки ўйин натижасига кўра (3:2) финалга йўл олди. Каталония клубининг финалдаги рақиби «Леванте»—«Атлетик Бильбао» учрашувидан сўнг маълум бўлади. Мазкур жамоалар ўртасидаги жавоб ўйини 4 март, пайшанба оқшомига белгиланган. Улар ўртасидаги дастлабки баҳсда 1:1 ҳисоби қайд этилган.
Испания Кубоги1/2 финал жавоб ўйини3 март, чоршанба
«Барселона»—«Севилья» 3:0
Голлар: 1:0 – 12 Дембеле, 2:0 – 90+4 Пике, 3:0 – 95 Брейтуейт.
«Барселона» – тер Штеген, Альба, Мингеса (Фирпо, 78), Лангле, Дест (Гризманн, 63), Педри (Брейтуейт, 89), де Йонг, Дембеле (Тринкау, 89), Бускетс (Мориба, 78), Пике, Месси.
«Севилья» – Вацлик, Акуня (Рекик, 54), Кунде, Диего Карлос, Оливер Торрес (Окампос, 62), Алеиш Видаль (Навас, 54), Фернандо, Жордан (Мунир, 105), Сусо (Гомес, 79), де Йонг (Ракитич, 54), Ан-Несири.
Огоҳлантиришлар: Фернандо (37), Мингеса (67), Месси (73), Жордан (100), Кунде (101), Ан-Несири (103), Тринкау (119).
Четлатиш: Фернандо (90), де Йонг (103).
Биринчи ўйин — 0:2.
Изоҳ (0)