Futbol bo‘yicha Rossiya Kubogining 1/8 finalida “Ufa” 3-mart chorshanba kuni “Ural” bilan bahs yuritdi.
Uchrashuvning birinchi bo‘limida hisob ochilmadi. Ikkinchi bo‘lim debyutida Oston O‘runovning uzatmasidan keyin Timur Jamaletdinov hisobni ochdi.
62-daqiqada maydon egalari penalti ishlab oldi, uni Komnen Andrich golga aylantirdi. Oradan besh daqiqa o‘tib, Jamaletdinov dublni rasmiylashtirgan holda hisobni yirik ko‘rinishga olib keldi.
O‘runov asosiy tarkibda maydonga tushib, 79-daqiqada zaxiraga olindi.
Shu tariqa “Ufa” Rossiya Kubogining chorak finaliga yo‘l oldi. Undan avval “Lokomotiv”, “Sochi”, “Dinamo”, “Arsenal”, SSKA, “Axmat” va “Krilya Sovetov” jamoalari yo‘llanmaga ega chiqqandi.
“Ufa” — “Ural” uchrashuvi videosharhini bu yerda tomosha qilish mumkin — video.
Rossiya Kubogi
1/8 final bahsi
3-mart, chorshanba
“Ufa” — “Ural” 3:0
Gollar: 1:0 – 50 Jamaletdinov, 2:0 – 62, penalti Andrich, 3:0 – 67 Jamaletdinov.“Ufa”: Belenov, Tabidze, Pliyev, Yokich, Mrzlyak, O‘runov (Kamilov, 79), Miletich (Zantiyev, 89), Bizoza (Sisuyev, 79), Suxov, Jamaletdinov (Golubev, 79), Andrich (Krotov, 66).
“Ural”: Konovalov, Strannberg, Kulakov (Adamov, 80), Gerasimov, Kalinin, Mishkich (Augustinyak, 63), Yovichich, Yegorichev (Yevseyev, 80), Gajimuradov, Ibrahimay (al-Kabir, 68), Panyukov (Maksimenko, 69).
Ogohlantirishlar: Bizoza (40), Pliyev (43), Suxov (64), Mrzlyak (66), Miletich (89).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!