Dunyoning 130 dan ortiq mamlakatlari, shu jumladan, eng zaif davlatlar aholisi ham COVID-19’ga qarshi vaksinaning birinchi dozasini olmagan. Bu haqda YuNESKO bosh direktori Odri Azulayga tayanib “Korrespondent.net” xabar berdi.
“Emlash kampaniyasi o‘tkazilishi haqida e’lon qilingach, dunyo aholisi yengil tortdi. Lekin hamjihatlik bo‘lmasa, maqsadimizga erisha olmaymiz. 130 dan ortiq davlat hali vaksinaning bitta ham dozasini olmadi, zaif davlatlar esa ayni paytda himoyalanmagan”, — deb ta’kidladi direktor.
Uning hisob-kitoblariga ko‘ra, vaksinatsiya bilan bog‘liq holat o‘zgarmasa, rivojlanayotgan mamlakatlar eng kamida 2021-yilning oxirigacha vaksina ololmaydi.
Uning ta’kidlashicha, bu yo‘l bilan pandemiyani uzoq vaqtgacha bartaraf etib bo‘lmaydi.
Izoh (0)