Дунёнинг 130 дан ортиқ мамлакатлари, шу жумладан, энг заиф давлатлар аҳолиси ҳам COVID-19’га қарши вакцинанинг биринчи дозасини олмаган. Бу ҳақда ЮНЕСКО бош директори Одри Азулайга таяниб «Korrespondent.net» хабар берди.
«Эмлаш кампанияси ўтказилиши ҳақида эълон қилингач, дунё аҳолиси енгил тортди. Лекин ҳамжиҳатлик бўлмаса, мақсадимизга эриша олмаймиз. 130 дан ортиқ давлат ҳали вакцинанинг битта ҳам дозасини олмади, заиф давлатлар эса айни пайтда ҳимояланмаган», — деб таъкидлади директор.
Унинг ҳисоб-китобларига кўра, вакцинация билан боғлиқ ҳолат ўзгармаса, ривожланаётган мамлакатлар энг камида 2021 йилнинг охиригача вакцина ололмайди.
Унинг таъкидлашича, бу йўл билан пандемияни узоқ вақтгача бартараф этиб бўлмайди.
Изоҳ (0)