Pfizer va BioNTech farmatsevtika kompaniyalari 25-fevral, payshanba kuni koronavirusga qarshi vaksinaning uchinchi dozasi samaradorligi va xavfsizligi bo‘yicha sinovlari boshlanganini e’lon qildi. Bu haqda “RIA Novosti” xabar qildi.
Tadqiqot vaksina koronavirusning yangi variantlariga qarshi kurashidagi ta’sirini o‘rganish uchun olib borilmoqda.
“Pfizer va BioNTech bugun o‘zining koronavirusga qarshi vaksinasi (BNT162b2) uchinchi dozasining xavfsizligi va immunogenligini baholash uchun sinovlar boshlaganligini e’lon qiladi”, — deyiladi Pfizer veb-saytidagi bayonotda.
Ta’kidlanishicha, sinov jarayoni ikki yosh guruhidagi — 18 yoshdan 55 yoshgacha va 65 yoshdan 85 yoshgacha bo‘lgan kamida 144 ishtirokchini qamrab oladi. Vaksinaning uchinchi dozasini ikki marta emlanganlar qabul qiladi. Ularning ahvoli to‘g‘ridan to‘g‘ri preparatning uchinchi dozasini olish paytida, bir hafta o‘tgach va bir oy o‘tgach o‘rganiladi. Shifokorlar sinov jarayonida ishtirok etgan odamlarni ikki yil davomida kuzatadi.
Bundan avval Microsoft asoschisi Bill Geyts yangi shtammlar tufayli koronavirusga qarshi vaksinaning uchinchi dozasi kerak bo‘lishi mumkinligini ma’lum qilgan edi.
Izoh (0)