Olib tashlangan so‘nggi haykal, juni o‘zidan og‘ir qo‘chqor, konkidagi politsiyachilar. 25-fevral suratlari
25-fevral, payshanba kuni dunyoning turli burchaklaridan olingan eng qiziqarli suratlar jamlanmasini taqdim etamiz.
Ispaniyada general Frankoning oxirgi haykali o‘z joyidan olib tashlandi.Foto: Getty Images
Yevropa portlarida rekord hajmdagi — 23 tonnadan ziyod kokain olib kirish holati fosh qilindi.Foto: Reuters
Myanmaning Yangon shahrida harbiylar tarafdori demokratiya tarafdoriga qarshi turibdi.Foto: Reuters
Fransiyaning Myuluz shahridagi hayvonot bog‘ida oq ayiq bolasi o‘zining ilk qadamlarini qo‘ymoqda.Foto: AFP
Tailandning Xuaxin hududida, Bangkok janubidagi yerda yotgan budda ruhoniysining tashlandiq haykali ustidan uchib ketayotgan qush.Foto: AFP
Pokiston politsiyasida maxsus bo‘lim shakllantirildi. Endi ofitserlar qonunbuzarlarni g‘ildirakli konkilarda ta’qib qiladi.Foto: TJournal
Peruning Kalyao hududida kislorod ballonlarini to‘ldirishga kelgan odamlar navbat kutmoqda. Pandemiya tufayli mamlakatda tibbiy kislorod yetishmovchiligi kuzatilmoqda.Foto: AP Photo
Portugaliyaning Vila-Nova-di-Gaya hududida ko‘cha rassomi kasalxonada ishlash jarayonida koronavirusga chalingan hamda tuzalib, ishga qaytgan hamshira Sofiyaga atab chizgan freska.Foto: Getty Images
Avstraliyaning Lansfild hududida 5 yil davomida shox-shabbalar orasida izg‘ib yurgan yovvoyi qo‘chqor 35 kg juni bilan fotokameraga qarab turibdi.Foto: AFP
Italiyaning Sitsiliya orolida Etna tog‘idagi vulqon og‘zidan chiqib kelayotgan lava hamda tutun. Yevropadagi eng faol vulqon o‘tgan haftadan buyon qo‘zg‘alishda davom etmoqda.Foto: AP Photo
Yangihayot tumanidagi 400 dan ortiq ikki qavatli yog‘och uylar buziladi.Foto: MyTashkent
Yangi Zelandiyada 50 ta qora delfin o‘zini qirg‘oqqa tashladi.Foto: “Interfaks”
O‘rta Yer dengizida Ispaniyaning nodavlat Open Arms tashkilotining qutqaruv kemasi 5 yoshli Timini qutqarib qolgach, u onasining oyoqlari ostida uxlamoqda.Foto: AP Photo
Kremlda Rossiya prezidenti Vladimir Putin va Qirg‘iziston rahbari Sadir Japarov o‘rtasida muzokaralar o‘tkazildi.Foto: Reuters
Farg‘onada erkakning “ishqiy sahnalari”ni tarqatmaslik uchun 2 ming dollar talab qilgan ayol ushlandi.Foto: Milliy gvardiya matbuot xizmati
Ukrainaning Kiyev shahrida mamlakat armiyasiga mahalliy zavodlardan birida yangilangan T-72 tanklari berildi.Foto: Reuters
Indoneziya politsiyasi Balidagi izolyatordan 2 hafta avval qochib ketgan Andrey Kovalenkoni qo‘lga oldi. U giyohvand vositalarini tarqatishda ayblangan edi.Foto: Reuters
AQShning Kaliforniya shtatida jiddiy avtohalokatga uchragan mashhur golfchi Tayger Vudsning avtomobilini ko‘zdan kechirayotgan politsiya xodimlari.Foto: Reuters
Italiyaning Rim shahrida madaniyat sohasi xodimlari karantin choralariga qarshi mitingga chiqdi.Foto: Reuters
Chexiyalik Devid Ventsl muz ostida suzish bo‘yicha jahon rekordini o‘rnatdi. U 80,9 metrlik masofani 1 daqiqa 35 soniyada bosib o‘tdi.Foto: Reuters
Twitter’ning samarqandlik foydalanuvchilaridan biri @marhob2112 ajoyib hamshaharlaridan biri bilan g‘aroyib tanishuv haqida shunday tvit qoldirdi: “Kunduzi taksiga chiqsam, amakining hobbisi o‘yinchoq mashina yig‘ish ekan. ‘Uyimga borsang, og‘zing ochilib qoladi’, dedilar. Og‘zim ochilib turgandi shundoq ham”. Foydalanuvchi xabarga ilova qilgan suratda Spark salonining old (torpedka) qismi avtomobillarning kichik masshtabli modellariga to‘la ekanini ko‘rish mumkin — ular orasida sovet davrida ishlab chiqarilgan namunalar ham, zamonaviy modellar ham bor. Kolleksioner haqida hozircha qo‘shimcha ma’lumot yo‘q.Foto: Twitter / @marhob2112
Izoh (0)