2021-yil 9-fevral kuni Raj Kapurning kenja o‘g‘li Rajiv Kapur yurak xurujidan vafot etdi. Rajiv marhum aktyor Rishi va Randxir Kapurning ukasi edi. Ushbu xabarni Instagram’da marhumning suratini bo‘lishgan kelini Nitu Kapur tasdiqlagan, deb ma’lum qiladi “Yandeks Dzen”.
1980-yillarda Raj Kapurning kenja o‘g‘li Rajiv oiladagi aktyorlik an’analarini davom ettira boshlagan. Dastlabki faoliyati otasi uni “Ganga, suving loyqalangan” dramasidagi bosh qahramon roliga olib borguniga qadar zerikarli edi. Film muvaffaqiyatga erishgan bo‘lsa-da, Rajivning karyerasi uchun juda kamlik qilgan.
Keyinchalik Kapur otasining faoliyatini davom ettirib, RK Films nomi ostida filmlar ishlab chiqarishga yordam berdi. U hattoki Madxuri Dikshit bilan “Sevgi kitobi” loyihasini suratga olgan, ammo film kassalarda omadsizlikka uchragan.
Rajiv shaxsiy hayot borasida ham biroz muammoga duch kelgan, uning nikohi buzilgan edi. Ko‘p yillar davomida u ko‘zga ko‘rinmas ishlar bilan shug‘ullangan. Rajivni faqatgina “Ganga, suving loyqalangan” filmi orqali eslashadi. Ushbu film Rajivga katta e’tirof keltirgan, aktyor ham buni yaxshi loyiha deb bilgan. U buning uchun otasidan bir umr minnatdor bo‘lgan.
Garchi Rajiv boshqa filmlarda suratga tushsa ham ular kutilgan natijani bermagan. Afsuski, Rajiv filmda debyutini o‘tkazganida rejissorlar uni Shammi Kapur sifatida tanitishni xohlagan, chunki u amakisiga juda ham o‘xshar edi.
“Muvaffaqiyat va omadsizliklar hayotning bir qismidir. Aktyorlarni juda kichik o‘lchov bilan baholash juda ham achinarli. Ehtimol, bu ommaviy axborot vositalarining xizmatidir. Axir har bir film ham yuqori narxga baholanmaydi-ku. Aktyor xato qilishi, noto‘g‘ri qaror qabul qilishi ham mumkin. Bularning barchasi hayotning bir qismidir. Odamlar yulduzlarga qiziqadi. Ular faqat film kassalarda qancha pul ishlaganini gapiradi. Aktyorning vakolati haqida emas. Afsuski, aktyorlarga iste’dodga ko‘ra baho berilmaydi”, − deya aytgan edi Rajiv Kapur.
2020-yil aprel oyida Kapurlar oilasi ikki yil davomida saraton kasalligi bilan kurashib kelayotgan Rishi Kapurdan ayrilgan edi. Rajivning singlisi Ritu Nanda esa 2020-yilning yanvar oyida vafot etgan. Rajiv esa 2021-yilning 9-fevral kuni 58 yoshida vafot etdi.
Izoh (0)