2021 йил 9 февраль куни Раж Капурнинг кенжа ўғли Ражив Капур юрак хуружидан вафот этди. Ражив марҳум актёр Риши ва Рандхир Капурнинг укаси эди. Ушбу хабарни Instagram’да марҳумнинг суратини бўлишган келини Ниту Капур тасдиқлаган, деб маълум қилади «Яндекс Дзен».
1980 йилларда Раж Капурнинг кенжа ўғли Ражив оиладаги актёрлик анъаналарини давом эттира бошлаган. Дастлабки фаолияти отаси уни «Ганга, сувинг лойқаланган» драмасидаги бош қаҳрамон ролига олиб боргунига қадар зерикарли эди. Фильм муваффақиятга эришган бўлса-да, Раживнинг карьераси учун жуда камлик қилган.
Кейинчалик Капур отасининг фаолиятини давом эттириб, RK Films номи остида фильмлар ишлаб чиқаришга ёрдам берди. У ҳаттоки Мадхури Дикшит билан «Севги китоби» лойиҳасини суратга олган, аммо фильм кассаларда омадсизликка учраган.
Ражив шахсий ҳаёт борасида ҳам бироз муаммога дуч келган, унинг никоҳи бузилган эди. Кўп йиллар давомида у кўзга кўринмас ишлар билан шуғулланган. Раживни фақатгина «Ганга, сувинг лойқаланган» фильми орқали эслашади. Ушбу фильм Раживга катта эътироф келтирган, актёр ҳам буни яхши лойиҳа деб билган. У бунинг учун отасидан бир умр миннатдор бўлган.
Гарчи Ражив бошқа фильмларда суратга тушса ҳам улар кутилган натижани бермаган. Афсуски, Ражив фильмда дебютини ўтказганида режиссёрлар уни Шамми Капур сифатида танитишни хоҳлаган, чунки у амакисига жуда ҳам ўхшар эди.
«Муваффақият ва омадсизликлар ҳаётнинг бир қисмидир. Актёрларни жуда кичик ўлчов билан баҳолаш жуда ҳам ачинарли. Эҳтимол, бу оммавий ахборот воситаларининг хизматидир. Ахир ҳар бир фильм ҳам юқори нархга баҳоланмайди-ку. Актёр хато қилиши, нотўғри қарор қабул қилиши ҳам мумкин. Буларнинг барчаси ҳаётнинг бир қисмидир. Одамлар юлдузларга қизиқади. Улар фақат фильм кассаларда қанча пул ишлаганини гапиради. Актёрнинг ваколати ҳақида эмас. Афсуски, актёрларга истеъдодга кўра баҳо берилмайди», − дея айтган эди Ражив Капур.
2020 йил апрель ойида Капурлар оиласи икки йил давомида саратон касаллиги билан курашиб келаётган Риши Капурдан айрилган эди. Раживнинг синглиси Риту Нанда эса 2020 йилнинг январь ойида вафот этган. Ражив эса 2021 йилнинг 9 февраль куни 58 ёшида вафот этди.
Изоҳ (0)