Mashhur pop yulduzi 2008-yildan buyon otasining nazoratida bo‘lib, moliyaviy va boshqa ko‘plab ishlari otasi tomonidan yuritiladi. Xonandaning muxlislari esa buning uchun #FreeBritney harakatini yaratgan, chunki u vasiylikda edi. U haqda yaratilgan hujjatli film esa ushbu mavzuni batafsil yoritib beradi, deb yozadi Esquire.
Britni Spirsga bag‘ishlangan hujjatli filmning premyerasi bo‘lib o‘tdi, uning nomi “Framing Britney Spears” deb atalgan.
Hujjatli filmda xonandaning hayoti va faoliyati, shuhratga erishuvi, uning otasi Jeymsning vasiyligi hamda #FreeBritney harakati aks ettirilgan. Ushbu harakat 2020-yilda avj oldi. Unga ko‘ra muxlislar xonanda mustaqillikni xohlayotganini ijtimoiy tarmoqlar orqali keng yoygan, bunga e’tibor qaratish hamda yordam berishga chaqirgan. 2020-yil noyabr oyida xonanda ota-onasini vasiylik maqomidan mahrum qilish masalasi bo‘yicha sudda yutqazdi. Britnining ruhiy muammolari tufayli uning otasi 13 yildan ortiq vaqt davomida xonandaning moliyaviy masalalarini boshqarib keladi. Shuningdek, uning karyerasi va shaxsiy hayotining ko‘plab masalalari bo‘yicha qaror qabul qiladi.
“Mijozim menga otasidan qo‘rqishini aytdi va u karyerasini nazorat qilsa, boshqa kuylamasligini ma’lum qildi”, − deydi xonandaning advokati Semyuel Ingem o‘tgan yilning oxirida bo‘lib o‘tgan sudda.
Hujjatli filmni Hulu platformasida, shuningdek, ingliz tilida YouTube’da ham tomosha qilish mumkin.
Izoh (0)