Keyt Blanshett, Nikol Kidman va real hayotda mavjud qirolichalar obrazini gavdalantirgan boshqa aktrisalar (foto)

Saroy hayoti haqida film suratga olish oson emas, juda katta mas’uliyatni talab etadi. Yildan-yilga rejissorlar tarixni tiklash, uni o‘rganish uchun barcha imkoniyatlardan foydalangan holda tajribalarini orttirmoqda. Shuningdek, bu orqali aktrisalar ham boshiga toj kiyib, o‘zini haqiqiy malikalardek his etmoqda.

Oliviya Kolman – Qirolicha Anna (“Sevimli”)

Yorgos Lantimos tomonidan suratga olingan “Sevimli” filmi har qanday ma’noda badiiy asar bo‘lib, u komediya, drama, yuksak his-tuyg‘u va tuban illatlarni o‘zida jamlaydi. Qirolicha Anna rolini ijro etgan britaniyalik aktrisa Oliviya Kolman hamisha sujetning markazida turadi. Tashqi ko‘rinish borasida ham aktrisa qirolichani juda yaxshi o‘xshatgan, shuning uchun ham film namoyish etilganidan so‘ng ko‘plab mukofotlar sovrindoriga aylandi.

Margo Robbi – Yelivavetta I (“Ikki qirolicha”)

Avstraliyalik aktrisa Margo Robbi odatiy rollardan charchaganini tan oldi. U endi o‘zini dramatik aktrisa sifatida nimalarga qodir eknaliginini isbotlash uchun imkoniyatidan foydalanishga qaror qildi. Yelizaveta I hech qachon jozibali bo‘lmagan. Bo‘yalgan qizil sochlar, oqartirilgan yuz, ingichka qosh – ma’lum bir lahzada Robbining tasviridan hech narsa qolmagan. Shuningdek, rejissor Jozi Ruk aktrisada o‘limga olib keluvchi kasallikni ham qaysidir ma’noda aks ettirdi. Natijada Margo haqiqiy malikaga o‘xshagan.

Sirsha Ronan – Mariya Styuart (“Ikki qirolicha”)

Margo Robbi rol ijro etgan “Ikki qirolicha” filmida Sirsha Ronan ham ishtirok etgan. U Shotlandiya malikasi Mariya rolini ijro etgan. Filmda Mariya haqiqiy go‘zallik sifatida tasvirlangan. Garchi XVI asrda go‘zallik tushunchasi umuman boshqa narsani anglatgan bo‘lsa-da, rejissorning malika borasidagi tanlovi muvaffaqiyat keltirgan.

Keyt Blanshett – Yelizavetta I (“Oltin asr”)

Aktrisa toj kiygan malika rolini uch marotaba ijro etgishga muvaffaq bo‘lgan. Bundan tashqari, ularning barchasi Yelizaveta I edi. Balki Blanshettning ko‘rinishi ingliz malikalariga o‘xshashligi hamda ajoyib iste’dodi rejissorlar e’tiborini tortgandir. Kartina malikaning hayoti, taxt va fitna haqida hikoya qilib, muvaffaqiyatga erishgan va bir qancha mukofotlarga loyiq deb topilgan.

Kirsten Danst – Mariya-Antuanetta (“Mariya-Antuanetta”)

Fransiyaning eng mashhur malikasi Mariya-Antuanetta dunyo kinoijodkorlari orasida eng sevimli qahramon hisoblanadi. Aslida malikaning tashiq ko‘rinishi va aktrisa Kirsten orasida deyarli o‘xshashlik yo‘q. Ammo aktrisa film mohiyatini yetkazishga muvaffaq bo‘lgan, shuning uchun ham film tomoshabinlar tomonidan yaxshi qabul qilingan.

Ketrin Zeta-Jons – Yekaterina II (“Buyuk Yekaterina”)

Aktrisa va uning qahramoniga o‘xshash narsa, ehtimol, ularning ismi bo‘lishi mumkin. Film sujeti haqiqatdan yiroq bo‘lsada, barchasi ishonarli tarzda suratga olingan. Shuningdek, bosh qahramon ham o‘z rolini mohironalik bilan ijro etgan.

Naomi Uotts – malika Diana (“Diana: Sevgi hikoyasi”)

2013-yilda “Diana: Sevgi hikoyasi” filmida aktrisa Naomi Uotts bosh qahramon rolini ijro etgan. Ushbu kartina o‘z davrining mashhur ayoli, malika Diana haqda hikoya qiladi. Film sujeti Diana va shahzoda Charlz o‘rtasidagi qiyin munosabatlar, shuningdek, malikaning yangi muhabbat izlashi bilan bog‘liq. Past bo‘yli aktrisaga o‘z davrining eng taniqli ayolini ijro etishi uchun katta jasorat kerak bo‘lgan va aktrisa tan olganidek, Diana juda noaniq va o‘ziga yarasha xarakterga ega bo‘lib, bir soat davomida ularni ekran ortida namoyish qilish qiyin kechgan. Shuning uchundir balki ayrim kamchiliklar tufayli ham film hech qanday mukofotga loyiq ko‘rilmagan. Ammo Naomi malika qiyofasini va yuz ifodalarini takrorlashni qoyillatgan.

Nikol Kidman – Greys Kelli (“Monako malikasi”)

2014-yil Kann kinofestivali Olivye Daananing “Monako malikasi” filmi namoyishi bilan boshlangan. Unda asktrisa Nikol Kidman Monako malikasi Greys Kellini rolini ijro etgan. Aktrisaning tashiq ko‘rinishi va mahoratli ijrosi film muvaffaqiyatini ta’minlagan bo‘lsada, rejissor va mualliflar tomonidan ssenariyga kiritilgan o‘zgarishlar tufayli tarixiy jihatdan noto‘g‘ri deb qaralgan.