Xiaomi kompaniyasi innovatsion yechim hisobiga ikki yo‘nalish bo‘ylab suratga olish ishlarini amalga oshiruvchi noodatiy yashirin kamerani patentladi, deb xabar beradi IXBT.
Bu boradagi patent 2021-yil boshida ma’qullagan, LetsGoDigital resursi esa ushbu patent tasvirlari bazasida qurilmaning sifatli renderini yaratgan. Kamera modullari smartfon panelining yuqori qismida joylashgan va tepaga yo‘nalgan.
Datchik tomonidan qamrab olinadigan tasvirni akslantirish uchun siljiydigan ko‘zgu elementidan foydalaniladi, u nafaqat siljiydi, balki buriladi ham. Ya’ni bitta yashirin kamera tizimi orqali oddiy va selfi suratga olishlarni amalga oshirish mumkin. Natijada, kamera foydalanilmaganida u old tomonidan ham, orqa tarafidan ham ko‘rinmaydi.
Texnologiyadan suratga va videoga olish ishlarida, shuningdek, telefonni yuz yordamida blokdan chiqarishda foydalanish mumkin.
Ayni vaqtda Xiaomi bu kabi kameradan foydalanishi yoki foydalanmasligi noma’lum. Hozircha ko‘pchilik Xiaomi’dan kamerasi ekran ostiga joylashgan smartfonni kutmoqda.
Eslatib o‘tamiz, sentabr boshida Xitoyning ZTE kompaniyasi “yashiringan” frontal kameraga ega birinchi smartfon — Axon 20 5G’ni taqdim etgandi. Biroq keyinroq ekrani ostida “ko‘rinmas” kameraga ega smartfon o‘zini oqlamagani to‘g‘risida xabar berilgan edi.
Izoh (0)