Xiaomi’ning sho‘ba kompaniyasi hisoblanuvchi Redmi rahbari Lyu Veybin Weibo ijtimoiy tarmog‘i orqali yangi Redmi K40 smartfonining avtonomligi tasvirlangan test natijasi bilan bo‘lishdi, deb xabar beradi Hi-Tech.Mail.ru.
U smartfon bir marta quvvatlanish orqali 10,5 soat ishlagani va shunga qaramay, akkumulyatorining 64 foiz quvvati sarflanmagani tasvirlangan skrinshot bilan bo‘lishgan. Ushbu menyu u yana bir sutkadan ortiq shu kabi rejimda ishlay olishini ko‘rsatadi:
Lyu Veybin smartfondan qanday qilib foydalangani to‘g‘risida ma’lumot bermagan, ammo skrinshotdagi grafikda quvvatning bir tekisda kamayishini ko‘rish mumkin. Shu sababli gap kundalik hayotda internet, ijtimoiy tarmoqlar, suratlar va boshqa bazaviy vazifalarni bajarishda foydalanish haqida ketmoqda.
Redmi K40 to‘g‘risida hozircha batafsil ma’lumotlar yo‘q. Faqatgina u kompaniyaning navbatdagi flagmaniga aylanishi ma’lum — uning Snapdragon 888 va MediaTek Dimensity 1200 protsessorlari o‘rnatilgan versiyalari sotuvga chiqadi.
Eslatib o‘tamiz, 2020-yilda Xiaomi kompaniyasi Snapdragon 865 bazasi Mi 10 va Redmi K30 Pro modellarini taqdim etgandi.
Izoh (0)