Mish-mishlar tasdig‘ini topdi, Apple ortidan Samsung ham smartfonlar qutisidan quvvatlantirgich va naushniklarni olib qo‘ydi. Biroq Galaxy S21 Ultra flagmani stilusga ega bo‘lgan, ammo uni ham alohida xarid qilishga to‘g‘ri keladi, deb xabar beradi Hi-Tech.Mail.ru.
Koronavirus sabab 2021-yilda Samsung flagmanlari taqdimotini bir oy oldinga ko‘chirdi. Odatda Galaxy S lineykasi fevralda, MWC ko‘rgazmasi doirasida namoyish etiladi, biroq u yozga ko‘chirildi. Shu sababli kompaniyada ushbu tadbirni kutishdan ma’ni qolmadi.
Dizayn
Samsung’ning yangi lineykasida o‘tgan yilgidek bir vaqtning o‘zida uchta model paydo bo‘ldi — bazaviy Galaxy S21, kattaroq o‘lchamdagi Galaxy S21+ va Galaxy S21 Ultra premium. Smartfonlar bir xil uslubda yaratilgan, kompaniya ular uchun yangi dizayn o‘ylab topgan: kameralar moduli endilikda yon hoshiyalar bilan qo‘shilib ketgan. Old qismida esa hamon frontal kamera kichikroq qirqim ichida joylashgan, ekran ostiga yashirinmagan.
Smartfonlarning korpusi suv va changdan IP68 standarti bo‘yicha himoyalangan. Old tomoniga yangi avlod Gorilla Glass Citus himoya oynasi o‘rnatilgan, Galaxy S21+ va S21 Ultra’ning orqa qismi ham shu kabi oyna bilan qoplangan.
Galaxy S21’ning orqa qopqog‘i shishadan emas, balki plastikdan ishlangan. Kompaniyadagilarning ma’lum qilishicha, u juda ham shishaga o‘xshaydi, biroq unda tirnalishlar izi kam qoladi va yerga tushganida darz ketmaydi. Ushbu material uchun hatto marketing nom ham o‘ylab topilgan— Glastic — Glass (shisha) va Plastic (plastik) nomlari birlashmasi.
Displey
Shuningdek, kompaniya smartfonlar ekraniga ham boshqacha yondashgan. Galaxy S21 va S21+ sifati Full HD+ ga qadar tushirilgan, QHD+ faqat S21 Ultra’da qolgan. O‘tgan yilgi Galaxy S20 larning barchasida QHD+ edi. Aslini olganda, ular orasidagi farq u qadar sezilarli emas.Qolgan jihatlari standart — Samsung’ning o‘zi ishlab chiqaradigan Dynamic AMOLED matritsasi. Qurilmalarning barchasi 120 gertsli yangilanish chastotasini qo‘llab-quvvatlaydi. Galaxy S21 Ultra rekord darajada yorqinlikka — 1500 nit va displeyning kengroq yangilanish chastotasi diapazoniga ega bo‘lgan.
Ekran borasida Galaxy S21 Ultra’gina ajralib turadi — u S Pen stilusiga ega bo‘lgan. Biroq korpusda uning uchun joy topilmagan bo‘lib, uni alohida hamyonda olib yurish yoki qo‘shimcha maxsus g‘ilof xarid qilish kerak. Stilusning o‘zi ham alohida sotiladi.
Kameralar
Galaxy S21 va S21+ uchta kameradan iborat standart jamlanmaga ega bo‘lgan — asosiy 12 Mp, keng burchakli 12 Mp va 64 Mp telefoto.
Eng qiziqarli yangilik Galaxy S21 Ultra’da — u beshta kameraga ega boo‘lgan. Asosiy kamerasi 108 megapikselni tashkil etadi. Shuningdek, kompaniya 10 megapikselli ikkita telefotokamera qo‘shgan — ulardan biri 3 karra, ikkinchisi 10 karra zumga ega. Birinchisi portretlar uchun mos kelsa, ikkinchisi obyektlarni uzoqdan suratga olishda qo‘l keladi.
Ishlash samaradorligi
Smartfonlarning uchalasiga ham yangi Exynos 2100 va Snapdragon 888 protsessorlari o‘rnatilgan. Model bozorga bog‘liq — masalan, Rossiyada Exynos’da ishlaydigan smartfonlar sotuvga chiqadi. Testlarga ishoniladigan bo‘lsa, Samsung protsessori joriy yilda ko‘p yadroli testlarda Qualcomm’ning chiplaridan kuchliroq bo‘lib chiqqan.
Xotira borasida hech qanday yangilik yo‘q. Galaxy S21 va S21+ 128 yoki 256 gigabayt ichki hamda 8 gigabayt tezkor xotiraga ega bo‘ladi, S21 Ultra’da esa 128/256/512 gigabayt ichki va 12 yoki 16 gigabayt tezkor. Barcha modellar uchun akkumulyator sig‘imi ham standart — mos ravishda 4000 mA/soat, 4800 mA/soat va 5000 mA/soat.
Smartfonlarning barchasi 25 vatlli simli va 15 vattli simsiz quvvatlanish funksiyasiga ega, biroq qurilmalar qutisida quvvatlantirgich yo‘q.
Narxlar:
- Galaxy S21 — 128 GB uchun 1020 dollar;
- Galaxy S21+ — 128 GB uchun 1220 dollar;
- Galaxy S21 Ultra — 128 GB uchun 1500 dollar.
Izoh (0)