Xitoyning taniqli Master Lu benchmarki jamoasi 2020-yil yakunlari bo‘yicha bir maromda ishlaydigan smartfonlar reytingni taqdim etdi, deb xabar beradi IXBT.
Birinchi mukofot Xitoydan tashqarida Xiaomi Mi 10 Ultra nomi ostida sotuvga chiqqan Xiaomi Mi 10 Extreme Commemorative Edition’ga nasib etdi. Smartfon 202,72 ball to‘plagan (o‘rtacha).
Master Lu ekspertlarining tushuntirishicha, Xiaomi flagmani Android smartfonlari orasida birinchi bor o‘rtacha 200 ballik marradan o‘tgan. Yutuqlari orasida MIUI 12, 120 gerts yangilanish chastotasiga ega ekran va UFS3.1’li LPDDR6 xotirasi sanab o‘tilgan. Mutaxassislarning so‘zlariga ko‘ra, Android’da ishlaydigan mazkur smartfon bir maromda ishlashi xuddi iOS’dagi iPhone’nikiga o‘xshash.
Ikkinchi o‘rin — Redmi K30S Extreme Commemerative Edition’ga (Redmi K30 Ultra) nasib etgan bo‘lsa, Oppo Find X2 Pro uchinchi o‘rinni egallagan. Shuningdek, reytingning Top-10 ro‘yxatidan quyidagi modellar o‘rin olgan: Nubia Red Magic 5S, Oppo Ace2, Huawei Mate 40 Pro, Nubia Red Magic 5G, Honor 30 Pro+, Huawei P40 Pro+ va iQOO Neo3.
Avvalroq Android’da ishlaydigan eng samarador o‘rtacha narxdagi smartfonlar reytingi e’lon qilingan edi.
Izoh (0)