Samsung kompaniyasi o‘zining yangi Galaxy Buds Pro naushniklari uchun noodatiy aksessuar yaratdi, deb xabar beradi IXBT.
Yangi quvvatlantirish g‘ilofi telefonlarning kichkina, buklanuvchan va tugmali bo‘lgani to‘g‘risidagi xotiralarni yodga solib turadi.
Aksessuar tashqi ko‘rinishi bilan ko‘proq 2000-yillar boshida taqdim etilgan Anyall T100 va Anycall E700 buklanuvchi telefonlariga o‘xshab ketadi.
U Janubiy Koreyadagi Galaxy Buds Pro xaridorlariga 31-yanvardan boshlab sovg‘a sifatida beriladi. G‘ilofning alohida o‘zini taxminan 30 dollarga sotib olish mumkin.
Hozircha Samsung Galaxy Buds Pro uchun oldindan buyurtmalarni qabul qilmoqda. Savdolar 29-yanvardan boshlanadi, naushnik narxi 245 dollar.
Avvalroq Apple kompaniyasi o‘zining birinchi to‘liq o‘lchamli naushnigi — AirPods Max’ni taqdim etgani to‘g‘risida xabar beriglandi.
Izoh (0)