Apple kompaniyasi iPhone 5S bilan rasman 2019-yilning o‘rtalarida “vidolashgan” edi — o‘shanda iOS 13 gacha yangilanadigan qurilmalar ro‘yxati e’lon qilingan va eski model undan o‘rin olmagandi, deb yozadi Hi-Tech.Mail.ru.
Smartfon iOS 7 operatsion tizimi bilan ishlab chiqarilgan. U kompaniyaning Touch ID barmoq izi skaneriga ega birinchi qurilmasi sifatida ko‘plab foydalanuvchilar yodida qolgan — so‘nggi ma’lumotlarga ko‘ra, Apple unga qaytishni rejalashtirmoqda. iPhone 5S uch xil — Silver, Space Gray va Gold ranglarida taqdim etilgan.
Ijtimoiy tarmoqlarda tarqalgan kadrlarda oddiy foydalanuvchilar uchun mo‘ljallanmagan iPhone 5S’ning prototipini ko‘rish mumkin. U 2012-yilning oxirda yaratilgan bo‘lib, qurilma o‘z muqobillaridan rangi bilan farq qiladi. Xalq tilida grafiti deb ataluvchi Black & Slate Apple qurilmalari lineykasida eng kam “yashagan” rang hisoblanadi. Bu kabi rangda iPhone 5, birinchi avlod iPad mini va beshinchi avlod iPod Touch taqdim etilgan.
Qurilmadan foydalanish vaqtida uning rangi tez o‘chib ketgani sabab foydalanuvchilar noroziligiga sabab bo‘lgan. Aynan shu sababli kompaniya ushbu rangdan foydalanmaslikka qaror qilib, uning o‘rnini Space Gray’ga almashtirgan.
Avvalroq Apple tomonidan 2021-yilda taqdim etiladigan smartfonlar lineykasi iPhone 12s nomini olishi to‘g‘risida xabar berilgandi.
Izoh (0)