Mol go‘shti qovurg‘asini noodatiy usulda pechda pishiramiz

Garchi ushbu taomni tayyorlash uchun biroz ko‘proq vaqt ketsa-da, go‘sht o‘ta yumshoq va mazali bo‘lib pishadi.

Kerakli mahsulotlar:

• Mol go‘shti qovurg‘asi − 1350 gramm;
• Quritilgan sarimsoq va piyoz kukuni − 1 osh qoshiq;
• Chili kukuni − 1 choy qoshiq;
• Jigarrang shakar − 1-2 osh qoshiq;
• Garmdori kukuni − 1 choy qoshiq;
• Zaytun yog‘i− 2-4 osh qoshiq;
• Barbekyu sousi − 3-4 osh qoshiq;
• Tuz va ko‘katlar.

1. Qovurg‘alar yaxshilab yuviladi va qog‘oz sochiq yordamida quritiladi.
2. Tuz va barcha kukunli ziravorlar aralashtiriladi.
3. Avval qovurg‘a yog‘lanadi, so‘ngra ustidan ziravorlar aralashmasi sepiladi. Ularni barcha qovurg‘alarga teng taqsimlash zarur.
4. Qovurg‘alar 1-2 soat davomida muzlatkichga qo‘yiladi.
5. Maxsus qolipga qovurg‘alar joylashtirilib, usti folga bilan yopiladi. Chet qismlari ham yopilishi kerak.
6. Taxminan 3-4 soat davomida 120 daraja pechda pishiriladi.
7. Qovurg‘alar ustidagi folga olinib, sous quyiladi. Yana 7-10 daqiqaga pechga qo‘yiladi.
8. Taom tayyor bo‘lgach ko‘kat va limon bo‘laklari bilan bezak beriladi.