Yangi yil dasturxoni uchun xushta’m taom: Qo‘y oyog‘ini asal bilan pechda pishiramiz

Bayram dasturxoni uchun noodatiy taomlar, yangi retseptdagi salat va shirinliklar ro‘yxatini tuzish allaqachon avj olgan. Ushbu retsept esa asosiy taomlar qatoridan joy olishi shubhasiz.

Kerakli mahsulotlar:

• Qo‘y oyog‘i – 3 kilogramm;
• Sarimsoq – 3-4 bo‘lak;
• Asal – 50 gramm;
• Apelsin – 1 dona;
• Shakar upasi – 100 gramm;
• Xantal – 2 osh qoshiq;
• Zaytun yog‘i – 1 osh qoshiq;
• Tuz va ziravorlar, provans o‘simliklari aralashmasi.

1. Qo‘y oyog‘i go‘shtiga tuz, ziravor, provans o‘tlari solinadi. Pichoq yordamida teshikchalar hosil qilinib, sarimsoq donachalari joylashtiriladi. Ustidan zaytun yog‘i va xantal solib, qandolat qog‘oziga o‘raladi va ziravorlarning mazasi chiqishi uchun bir kechaga qoldiriladi.
2. Pech 180-200 darajaga qizdiriladi. Go‘sht folga qog‘oziga o‘ralib, 2 soat davomida pishiriladi. Go‘sht mazali va suvli bo‘lib pishishi uchun unga 100 gramm suv quyish kerak. Shuningdek, vaqti-vaqti bilan pishgan go‘shtdan hosil bo‘lgan sharbat go‘sht ustiga sepiladi.
3. Tovaga go‘shtdan hosil bo‘lgan sharbatdan 2 osh qoshiq quyiladi va shakar qo‘shiladi. Shakar erib, asal holiga kirguncha aralashtiriladi. Parrak holda kesilgan apelsin bo‘laklari asal ustidan solinadi.
4. Agar go‘sht teshib ko‘rilganda undan chiqqan sharbat och rangda bo‘lsa, demak go‘sht me’yorida pishgan hisoblanadi. Folga qog‘ozi olinib, pech panjarasida qizarguncha pishiriladi. Biroz qizdirilgan asal qo‘zichoq oyog‘iga surib chiqiladi. Tayyor bo‘lgan taom ko‘katlar bilan bezatilib, dasturxonga tortiladi.