Qish mavsumida iste’mol qilish tavsiya etiladigan 3 ta mazali sho‘rva retsepti

Qish mavsumida vitaminlarga boy qaynoqqina sho‘rvaga yetadigan narsa yo‘q. Ushbu taom nafaqat qorinni to‘q tutadi, balki turli xil vitaminlarga boyligi bilan yuqumli kasalliklardan ham himoya qiladi.

Mol go‘shtidan yasmiq sho‘rva

Kerakli mahsulotlar:

• Sabzi – 100 gramm;
• Piyoz −150 gramm;
• Mol go‘shti – 300 gramm;
• Yasmiq – 120;
• Bulg‘or qalampiri – 200 gramm;
• Zaytun moyi – 50 gramm;
• Sariyog‘ – 50 gramm;
• Tomat pastasi – 400 gramm;
• Sarimsoq – 20 gramm;
• Dafna yaprog‘i – 1 gramm;
• Suv − 1 litr;
• Pishloq – 10 gramm;
• Qaynatilgan makaron – 30 gramm;
• Ko‘kat, tuz va ziravorlar.

1. Mol go‘shti qaynatib olinadi. Zaytun moyida to‘rtburchak to‘g‘ralgan sabzi, piyoz, sarimsoq va ko‘katlar qovurib olinadi. Ustidan sous quyilib, qaynatiladi.
2. Ivitilgan yasmiq qaynatib olinadi. Yasmiq pishgandan so‘ng, ustidan sabzavotli aralashma qo‘shiladi. Ta’bga ko‘ra tuz va ziravorlar solinib, aralashtiriladi.
3. Dasturxonga tortishdan avval qaynatilgan makaron va pishloq solinadi.

Kerakli mahsulotlar:

• Qo‘y oyog‘i – 250 gramm;
• Guruch – 10 gramm;
• Sarimsoq – 30 gramm;
• Sariyog‘ – 10 gramm;
• Mol go‘shti bulyoni – 1,5 litr
• Tuz va ziravorlar.

Qo‘zichoq oyog‘i mol go‘shtli bulyonda pishiriladi. Sariyog‘ga achchiq qalampir ziravori qo‘shiladi. Ustidan bulyon, guruch va tayyor go‘sht solinib, past olovda qaynatib olinadi va tayyor bo‘lishidan 3 daqiqa avval sarimsoq qo‘shiladi. Yoqimli ishtaha!

Lo‘li kabobli xarcho sho‘rvasi

Kerakli mahsulotlar:

• Mol go‘shti bulyoni – 200 ml;
• Piyoz – 30 gramm;
• Tomat pastasi – 35 gramm;
• O‘simlik yog‘i – 10 gramm;
• Tkemali sousi – 5 gramm;
• Pomidor – 35 gramm;
• Qaynatilgan guruch – 20 gramm;
• Sarimsoq – 5 gramm;
• Ajika – 20 gramm;
• Zaytun yog‘i – 5 ml;
• Qo‘y go‘shti qiymasi – 70 gramm;
• Ko‘kat, tuz va ziravorlar, sarimsoq moyi.

1. Piyoz o‘simlik yog‘ida qovuriladi. Tomat pastasida ajika, souslar va ziravorlar eritib olinadi. Aralashma bulyonga qo‘shiladi. Ustidan guruch, ko‘katlarning yarmi, ajika, tuz va qalampir solinadi.
2. Sarimsoq mayda to‘g‘ralib, ko‘kat va dafna barglari birgalikda qo‘shiladi. 5 daqiqa davomida past olovda qaynatiladi. Tayyor bo‘lgan sho‘rvaga to‘g‘ralgan pomidor, sarimsoq moyi qo‘shiladi.
3. Lo‘li-kabob qovuriladi.
4. Idishlarga suzilgan sho‘rvaga lo‘li-kabob solib, dasturxonga tortiladi.