Мол гўшти қовурғасини ноодатий усулда печда пиширамиз

Гарчи ушбу таомни тайёрлаш учун бироз кўпроқ вақт кетса-да, гўшт ўта юмшоқ ва мазали бўлиб пишади.

Керакли маҳсулотлар:

• Мол гўшти қовурғаси − 1350 грамм;
• Қуритилган саримсоқ ва пиёз кукуни − 1 ош қошиқ;
• Чили кукуни − 1 чой қошиқ;
• Жигарранг шакар − 1-2 ош қошиқ;
• Гармдори кукуни − 1 чой қошиқ;
• Зайтун ёғи− 2-4 ош қошиқ;
• Барбекю соуси − 3-4 ош қошиқ;
• Туз ва кўкатлар.

1. Қовурғалар яхшилаб ювилади ва қоғоз сочиқ ёрдамида қуритилади.
2. Туз ва барча кукунли зираворлар аралаштирилади.
3. Аввал қовурға ёғланади, сўнгра устидан зираворлар аралашмаси сепилади. Уларни барча қовурғаларга тенг тақсимлаш зарур.
4. Қовурғалар 1-2 соат давомида музлаткичга қўйилади.
5. Махсус қолипга қовурғалар жойлаштирилиб, усти фолга билан ёпилади. Чет қисмлари ҳам ёпилиши керак.
6. Тахминан 3-4 соат давомида 120 даража печда пиширилади.
7. Қовурғалар устидаги фолга олиниб, соус қуйилади. Яна 7-10 дақиқага печга қўйилади.
8. Таом тайёр бўлгач кўкат ва лимон бўлаклари билан безак берилади.