Farg‘ona viloyati Oltiariq tumanida Nexia beton to‘siqqa urilishi oqibatida uning haydovchisi vafot etdi, deya xabar bermoqda viloyat IIB.
Ma’lum qilinishicha, Farg‘ona viloyati Oltiariq tumanida 29-dekabr kuni fuqaro M.M. Nexia rusumli avtomashinasini “Yangiarab” MFY hududida boshqarib ketayotib avtomashina boshqaruvini yo‘qotgan. Natijada yo‘lning o‘rta qismidagi beton to‘siqqa urilgan.
Oqibatda haydovchi tan jarohati olib, hodisa joyida vafot etgan.
Mazkur holat yuzasidan Oltiariq tumani huzuridagi tergov bo‘limi tomonidan Jinoyat kodeksining 266-moddasi 2-qismi (odamlar o‘limiga olib kelgan transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilib, tergov harakatlari olib borilmoqda.
Avvalroq Andijonda sodir bo‘lgan 668 ta YTHda 147 kishi vafot etgani, Farg‘onada Nexia bilan to‘qnashgan Tracker yonib ketgani hamda Samarqandda 14 yoshli bola boshqaruvidagi Tracker YTHga uchrashi oqibatida haydovchining tengdoshi vafot etgani haqida xabar berilgandi.
Izoh (0)