Andijon viloyatida 2020-yil sodir bo‘lgan 668 ta yo‘l-transport hodisasi oqibatida 147 kishi vafot etgan, 582 nafar fuqaro esa turli darajada tan jarohati olgan. Bu haqda viloyat YHXB axborot xizmati ma’lumotiga tayanib, “Daryo” muxbiri xabar berdi.
Viloyat YHXB xodimi Diyorbek Abdurazzoqovning aytishicha, bu kabi holatlarning oldini olish maqsadida YPX xodimlari tomonidan doimiy ravishda targ‘ibot-tashviqot tadbirlari bilan birga reyd tadbirlari o‘tkazilishi ham yo‘lga qo‘yilgan.
“Olib borilayotgan tungi reyd tadbirlari davomida asosiy e’tibor mast holda avtomashina boshqarib kelayotgan hamda qo‘pol turdagi qoidabuzarlik sodir etayotgan haydovchilarni aniqlashga qaratilmoqda. Profilaktik tadbirlar davomida yo‘lovchi tashish tizimida joriy etilayotgan talablar va mazkur sohada yaratilayotgan sharoitlar to‘g‘risida tushuntirish ishlari olib borilmoqda. Joriy yilning o‘tgan davri mobaynida xodimlar tomonidan 1329 nafar haydovchiga nisbatan aynan shu qoidabuzarliklari uchun ma’muriy choralar ko‘rilgan. So‘nggi 4 kun davomida o‘tkazilgan tadbirlarda 104 nafar haydovchi mast holda avtomashina boshqargani aniqlanib, belgilangan tartibda bayonnomalar rasmiylashtirilgan”, — deydi Diyorbek Abdurazzoqov.
Eslatib o‘tamiz, avvalroq Namanganda 6 kishining umriga zomin bo‘lgan avtohalokat sabablarini o‘rganish uchun maxsus komissiya tuzilgani haqida xabar berilgandi. Mavzuga doir:- Oqdaryoda ortidan yuk mashinasi kelib urgan avtobus pastlikka ag‘darildi, bir yo‘lovchi kasalxonaga yotqizildi
- Ellikqal’ada Cobalt va Spark ishtirokida og‘ir YTH yuz berdi. To‘rt kishi halok bo‘lgan bo‘lishi mumkin
- Sirdaryoda “ZIL” yuk mashinasi yo‘l chetida to‘xtab turgan Cobalt’ga urildi. Avariya oqibatida yengil mashina haydovchisi vafot etdi
