“Buxoro” futbol klubi Davron Fayziyevni yangi bosh murabbiy sifatida tanishtirdi.
Fayziyev buxoroliklar klubida Jamshid Saidovning o‘rinini egalladi. Unga yangi mavsumda Mirislom Hasanov, Suhrob Qobilov va Nurillo Habibov yordam beradi.
O‘tgan mavsumni Muhsin Muhammadiyev qo‘l ostida boshlagan “Buxoro” iyul oyiga kelib tojikistonlik mutaxassisni iste’foga chiqargan va uning o‘rnini Saidov egallagandi.
“Buxoro” Superliga 2020-yilgi mavsumi yakunlariga ko‘ra so‘nggi o‘rinni egallab, Pro-Ligaga ravona bo‘ldi. Jamoa 2021-yilgi mavsumni ikkinchi divizionda o‘tkazadi.
Davron Fayziyev 2020-yilgi mavsumda “Qo‘qon-1912” jamoasi murabbiylar shtabida faoliyat olib bordi. Undan avval mutaxassis “Dinamo S” va “So‘g‘diyona” klublarini boshqargan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)