«Бухоро» футбол клуби Даврон Файзиевни янги бош мураббий сифатида таништирди.
Файзиев бухороликлар клубида Жамшид Саидовнинг ўринини эгаллади. Унга янги мавсумда Мирислом Ҳасанов, Суҳроб Қобилов ва Нурилло Ҳабибов ёрдам беради.
Ўтган мавсумни Муҳсин Муҳаммадиев қўл остида бошлаган «Бухоро» июль ойига келиб тожикистонлик мутахассисни истеъфога чиқарган ва унинг ўрнини Саидов эгаллаганди.
«Бухоро» Суперлига 2020 йилги мавсуми якунларига кўра сўнгги ўринни эгаллаб, Про-Лигага равона бўлди. Жамоа 2021 йилги мавсумни иккинчи дивизионда ўтказади.
Даврон Файзиев 2020 йилги мавсумда «Қўқон-1912» жамоаси мураббийлар штабида фаолият олиб борди. Ундан аввал мутахассис «Динамо С» ва «Сўғдиёна» клубларини бошқарган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)