“Chelsi” jamoa bosh murabbiyi Frenk Lempardni iste’foga chiqarish niyatida emas, biroq uning o‘rniga nomzod qidirishni boshlab yubordi.
The Independent xabariga ko‘ra, “Chelsi” PSJ sobiq ustozi Tomas Tuxel, “Yuventus” sobiq bosh murabbiyi Massimiliano Allegri, shuningdek, Brendan Rojers (“Lester”) va Ralf Hazenhyuttl (“Sauthempton”) variantlarini ko‘rib chiqmoqda.
Shu bilan bir qatorda ta’kidlanishicha, londonliklar klubi keskin choralar qo‘llamoqchi emas. Rahbariyat jamoaning hozirgi holati va so‘nggi o‘yinlardagi natijalardan qoniqmayapti, biroq Lempardni qo‘llab-quvvatlashda davom etadi.
Premyer Liga 17-turi doirasida 3-yanvar kuni kechgan “Manchester Siti”ga qarshi bahsdagi mag‘lubiyatdan (1:3) keyin jamoa 9-o‘ringa tushib ketdi. “Chelsi” APLda so‘nggi olti o‘yinning to‘rttasida mag‘lub bo‘ldi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)