Haydovchisiz boshqariladigan avtomobillar sohasidagi ixtirolari bilan tanilgan Amerikaning Waymo kompaniyasi yangi prinsipda ishlaydigan xavfsizlik yostiqchasini patentladi. Ixtirochilarning ta’kidlashicha, ushbu yostiqcha yo‘lovchini to‘liq to‘sib, oddiy yostiqchalardan ko‘ra yaxshiroq himoyani taklif etadi, deb xabar beradi Motor.
Waymo’ning patent hujjatlarida ixtiroga “Deployable passenger enclosure” yoki “Buriladigan yo‘lovchi yo‘stig‘i” deya ta’rif berilgan. Qurilmaning ishlash prinsipi haqida taqdim etilgan suratlar orqali tasavvurga ega bo‘lish mumkin: unda to‘qnashuv vaqtida ochilib, haydovchining butun tanasini xuddi pilla kabi “o‘rab” oladigan katta eyrbeg tasvirlangan.
Ta’kidlanishicha, zarurat tug‘ilganida salonga yana bitta shunaqa yostiqchani joylashtirish mumkin — u old o‘rindiqdagi yo‘lovchini himoya qiladi va “avariya vaqtida jarohat olish ehtimolligini” sezilarli darajada kamaytiradi.
Waymo ushbu patentni olish uchun arizani 2018-yilning iyunida bergan, biroq kompaniyaga hujjat joriy haftada topshirilgan. Hozircha ixtirochilar innovatsion eyrbegga oid batafsil ma’lumotlarni oshkor etmagan.
Izoh (0)