AQSh qirg‘oqlari yaqinida ichida 4 mingdan ortiq Hyundai va Kia avtomobillar bo‘lgan MV Golden Ray yuk kemasini arralash boshlangani to‘g‘risida xabar berilgandi. Avariya 2019-yilning sentabrida sodir bo‘lgan, biroq uning sabablarini aniqlash bo‘yicha tergov ishlari hamon davom etmoqda. Tergov kemaning bir tarafini og‘ib ketishiga og‘ir Kia Telluride krossoverlari sabab bo‘lganini aytmoqda, deb yozadi Motor.
MV Golden Ray’ning falokatga uchrash sababi hamon noaniq. Tergov mavjud imkoniyatlardan birini oshkor etdi — yukning noto‘g‘ri taqsimlanishi. Ma’lum bo‘lishicha, portlarning birida kemadan 300 ga yaqin Hyundai Accent va Kia Forte tushirilib, o‘rniga ancha og‘ir bo‘lgan 316 ta Kia Telluride ortilgan. Bu tortishish markazining siljishiga va oqibatda ag‘darilishga olib kelgan.
Ekspertizaning ko‘rsatishicha, MV Golden Ray tashishga ruxsat etilganidan 1000 tonna ortiqcha yuk ortgan. Bundan tashqari, kema qandaydir sabab bilan 1500 tonnadan kam bo‘lgan holatda suv ballastini to‘kib yuborgan, bu holda suv hosil bo‘lgan og‘ishga yordam berishi kerak edi. Telluride’lar yuqori palubalardan biriga joylashtirilgani ham vaziyatni murakkablashtirgan — krossoverlar pastki qavatlarda bo‘lganida, kema muvozanatni saqlab qolgan bo‘lishi mumkin edi.
AQSh Qirg‘oq xizmati, Transportidagi xavfsizlik bo‘yicha milliy kengashi hamda Janubiy Koreya dengizdagi xavfsizlik sudi tomonidan amalga oshirlayotgan tergov ishlari hali tugagani yo‘q.
Izoh (0)