Moskvada 44 yildan buyon 2720 kilometrgina yo‘l bosgan “ZAZ 968A” sotuvga qo‘yildi, deb xabar beradi Motor. E’londa “Zaporojets” 700 ming rublga (9500 dollar) baholangan bo‘lib, bu pulga O‘zbekiston sharoitida yangi Chevrolet Cobalt xarid qilish mumkin.
Sotuvchining so‘zlariga ko‘ra, 1976-yilda ishlab chiqarilgan qizil “ZAZ 968A” biror marta ham restavratsiya qilinmagan va zavoddagi holatini saqlab qolgan. Bundan tashqari, orqa uzatmali ikki eshikka ega mashinaga faqat bir kishi egalik qilgan. Ammo saytda qayd etilishicha, avtomobilning VIN-raqami noto‘g‘ri.
Kichik tirajli mashinaning interyeri jigarrang sun’iy charm bilan qoplangan. E’tiborli jihati, avtomobilning orqani ko‘rishga mo‘ljallangan birorta oynasi yo‘q — oyna faqat salonda bor.
Avtomobil 42 ot kuchiga ega 1,2 litrli benzin dvigatel yordamida harakatga kelib, u to‘rt pog‘onali mexanik uzatmalar qutisi yordamida boshqariladi.
Avvalroq Moskvada Mazda bazasida yaratilgan “Zaporojets” sotuvga qo‘yilgani, shuningdek, 34 yil garajda turgan “Zaparojets” 6500 dollarga baholangani to‘g‘risida xabar berilgandi. Noyabr oxirlarida esa Tulada ideal holatdagi “Zaporojets” ikkita yangi iPhone narxida sotuvga qo‘yilgandi.
Izoh (0)