Ukraina poytaxti Kiyevda koronavirusga qarshi vaksinatsiyani amalga oshirish uchun tayyorgarlik boshlandi. Bu haqda shahar meri Vitaliy Klichko 7-dekabr kuni ma’lum qildi, deya xabar bermoqda “Korrespondent.net”.
Uning ta’kidlashicha, Ukrainada vaksinalarni yetkazib berish muddati hali aniq emas. Ammo poytaxt allaqachon ularni qabul qilish uchun logistika bazasini tayyorlamoqda.
Qayd etilishicha, Kiyevda vaksinalarni tashish va saqlash uchun logistika bilan ta’minlaydigan ixtisoslashtirilgan kommunal korxona va tibbiyot muassasalari – emlash protsedurasi mavjud.
Klichko, shuningdek, agar kerak bo‘lsa, rasmiylar qo‘shimcha uskunalar sotib olib, tibbiyot xodimlarini koronavirusga qarshi emlashga o‘rgatadi, shuning uchun vaksina kelganda poytaxt emlashni darhol boshlashga tayyorligini aytdi.
Eslatib o‘tamiz, dunyo bo‘yicha koronavirusga qarshi birinchi ommaviy vaksinatsiya Moskva va Buyuk Britaniyada boshlangan edi.
Mavzuga doir:
Avvalroq Pfizer va BioNTech o‘zining BNT1622b vaksinasi tadqiqotlarining uchinchi bosqichi yakunlari bo‘yicha 95 foiz samaradorlik ko‘rsatganini ma’lum qilgandi. Taqqoslash uchun: Rossiyaning “Sputnik V” vaksinasi samaradorligi o‘z ishlab chiquvchilari tomonidan 92 foizga, Amerikaning Moderna kompaniyasi vaksinasi — 94,1 foizga, AstraZeneca kompaniyasi vaksinasi — 70 foizga baholangan.
Izoh (0)