Amerikaning Finencial Times gazetasi 7-dekabr kuni 2020-yilda eng nufuzli ayollar ro‘yxatini e’lon qildi, deb xabar bermoqda “Kommersant. ”Ro‘yxatdan 12 nafar ayol o‘rin olgan bo‘lib, ularning barchasi inqirozga qarshi kurashgan va hozirgi davrdagi muhim muammolarga e’tibor qaratgan.
Ro‘yxat o‘quvchilar ovoz berishi yordamida tuzilgan. Nega aynan ushbu ayollar tanlanganiga o‘quvchilar izohi keltirilgan.
Birinchi o‘rinni Yangi Zelandiya bosh vaziri Zasinda Arden egalladi. U koronavirus tahdidiga tezkorlik bilan chora ko‘rgan siyosatchi sifatida qayd etilgan. 40 yoshli Jasinda Ardern Yangi Zelandiya bosh vaziri lavozimini 2017-yilning oktabridan buyon egallab kelmoqda. U inqirozga, shu jumladan, 2019-yilning martida Kraystchyorch shahridagi masjidlarga uyushtirilgan hujum va COVID-19 epidemiyasiga qarshi chora ko‘rgani uchun mamlakatda va xorijda maqtovga sazovor bo‘lgan.
Undan keyingi pog‘onani O‘zlem Turechi — koronavirusga qarshi vaksina ishlab chiqarayotgan Biontech kompaniyasi yetakchi olimi egalladi.
Ro‘yxatdan, shuningdek, AQSh vitse-prezidenti bo‘ladigan Kamala Xarris, “mamlakatni siyosiy uyqudan chiqargan va odamlarga umid baxsh etgan” Belarus muxolifatchilari yetakchisi Svetlana Tixanovskaya va demokratlarning Jorjiya shtatidagi muvaffaqiyatli kampaniyasi uchun amerikalik siyosatchi Steysi Abrams o‘rin olgan.
Undan keyingi pog‘onani ishlayotgan onalar egalladi. Bu ma’lum bir ayol emas, balki karantin va bolalar ta’lim muassasalari yopilganiga qaramay, o‘z karyerasini davom ettirayotgan barcha ayollardir.
Bundan tashqari, 2020-yilda o‘z mamlakati iqtisodiyotini eng kuchlilardan biriga aylantirgan, Tayvan prezidenti Tsay In Ven, koronavirusga qarshi kurashishdagi mardonavor chorasi uchun Germaniya kansleri Angela Merkel, AQSh oliy sudi Rut Ginzburg, amerikalik siyosatchi Aleksandr Okasio-Kortes, Hindiston sog‘liqni saqlash vaziri K.K. Sheylay va amerikalik qo‘shiqchi Teylor Svift ham ushbu ro‘yxatga kiritilgan.
Izoh (0)