Hindistonda qariyb 400 kishi noma’lum kasallik sababli kasalxonaga yotqizildi. Ekspertlarning fikricha, chivinlarga qarshi himoya vositalari mazkur kasallikka sabab bo‘lishi mumkin. Bu haqda “Korrespondent.net” xabar berdi.
Ma’lum qilinishicha, hozirgi paytda bu mutaxassislarning taxmini hisoblanadi. Kasallikning qo‘zg‘atuvchisi hali aniqlanmagan. Rasmiy ma’lumot hozircha yo‘q.
Andxra-Pradesh shtatining Eluru shahrida o‘tgan dam olish kunlari noma’lum kasallik tarqalgan. Bir sutka ichida 300 dan ortiq odam kasallik sababli shifoxonaga tushgan, shifokorlar bu qanday kasallik ekanligini aniqlay olmagan. Bemorlarda ko‘plab belgilar kuzatilmoqda — ko‘ngil aynishi, tutqanoq, hushdan ketish. Ularning koronavirusga topshirgan testlari manfiy natija bergan.
Izoh (0)