Turkmaniston prezidenti Gurbanguli Berdimuhamedov yangi yil munosabati bilan mamlakatning birinchi sinf o‘quvchilariga mahalliy ishlab chiqarilgan kompyuterlar sovg‘a qilishni topshirdi. Bu haqda Turkmaniston Davlat axborot agentligiga tayanib, “Interfaks” xabar berdi.
Mamlakat bosh vazirining fan va ta’lim masalalari bo‘yicha o‘rinbosari Mammetmirat Geldiniyazov prezidentga Agzybirlik tilsimaty korxonasi birinchi sinf o‘quvchilari uchun kompyuterlar chiqargani haqida ma’lum qilgan. Ushbu kompyuterlar texnik xususiyatlari xalqaro standartlarga javob berishi, ularga yuklangan dastur turli xil ta’lim funksiyalarni bajarishi, uchta tilda: turkman, rus va ingliz tillarida ishlashini aytgan.
“Bu korxonaning maktabdagi ta’lim jarayonini raqamlashtirishga qo‘shgan hissasi bo‘ldi”, — degan Geldiniyazov. Shundan so‘ng Berdimuhamedov birinchi sinf o‘quvchilariga ushbu kompyuterlarni taqdim etishni tashkillashtirish vazifasini yuklagan.
Izoh (0)