Bugun,

  • USD 10940.05
  • RUB 182.26
  • EUR 11121.65

AQShning Pfizer kompaniyasi Germaniyaning BioNTech kompaniyasi bilan birgalikda ishlab chiqarilgan COVID-19‘ga qarshi vaksinaning samaradorligi 95 foizni tashkil etishini ma’lum qildi. Vaksina sinovlarining uchinchi bosqichi tugaganligi to‘g‘risidagi xabar Pfizer kompaniyasi saytiga joylashtirildi, deb yozmoqda Meduza.

Foto: Pfizer

Foto: Pfizer

Kompaniya ma’lumotlariga ko‘ra, vaksina sinovda qatnashayotgan kishining yoshi, irqi va millatidan qat’iy nazar, samarali bo‘lgan. Dastlabki sinov natijalari 90 foiz samaradorlikni ko‘rsatgandi.

Pfizer tomonidan ta’kidlanishicha, vaksinaning 65 yoshdan oshgan odamlardagi samaradorligi 94 foizni tashkil qiladi.

The New York Times gazetasining yozishicha, ushbu yosh guruhini oddiy grippga qarshi vaksinalar bilan ham himoya qilish qiyin. Yel universiteti immunologi Akiko Ivasakining nashrga aytishicha, Pfizer’ning bu natijasi juda ajoyib.

Shuningdek, farmatsevtika kompaniyasi preparatning jiddiy ikkilamchi ta’siri yo‘qligini ma’lum qildi. Yaqin kunlarda Pfizer vaksinaga qisqa vaqtda ruxsat olish uchun AQSh Sog‘liqni saqlash vazirligining Oziq-ovqat va farmatsevtika idorasiga murojaat qiladi.

Pfizer’ning birinchi dozalarini sog‘liqni saqlash xodimlari, shuningdek, boshqa xavf guruhidagi kishilar, masalan, qariyalar olishi mumkin.

Pfizer va BioNTech 2020-yilda 50 million doza, 2021-yilda esa 1,3 milliard doza vaksina ishlab chiqarishni rejalashtirmoqda.

Eslatib o‘tamiz, AQShning Pfizer kompaniyasi uchinchi bosqich sinovlarining dastlabki natijalariga tayanib, u tomonidan yaratilgan vaksinaning samaradorligi 90 foizga teng ekanligini ma’lum qilgandi. Shundan so‘ng Rossiyaning “Sputnik V” vaksinasi samaradorligi 92 foizni tashkil qilishi haqida xabar berildi.

Keyinroq AQShning Moderna kompaniyasi tomonidan yaratilgan vaksinaning samaradorligi 94,5 foizni tashkil etgani ma’lum qilindi.

Izoh
Asosiy yangiliklar
Mahalliy
Qashqadaryoda bedarak yo‘qolgan 15 yoshli bolaning jasadi topildi
Dunyo
Oq uy: safarbarlikdan qochayotgan rossiyaliklar AQSHga boshpana so‘rab murojaat qilishi mumkin
Dunyo
Urush bilan Folklend orollarini qaytarib olgan Tetcher, 757 kishi cho‘kib ketgan “Estoniya” paromining siri va Moskvani 20 yil boshqargan Lujkov iste’fosi. Kun xro...