“Milan” Italiya A Seriyasi doirasida 6-dekabr kuni kechgan “Sampdoriya”ga qarshi o‘yinda 2:1 hisobidagi g‘alabaga erishdi.
Milanliklar Italiya chempionatida ketma-ket 30 o‘yindan buyon gol urib kelmoqda. Bu klub tarixidagi rekord natija hisoblanadi.
Bundan avvalgi eng yaxshi natija 1972—1973-yillarda qayd etilgandi (29). So‘nggi bor Stefano Pioli shogirdlari 6-yanvar kuni “Sampdoriya”ga qarshi bahsda (0:0) gol ura olmagandi.
Shuningdek, “rossonerilar” A Seriyada ketma-ket 22 ta o‘yindan beri mag‘lubiyatga uchragani yo‘q. Bundan tashqari jamoa A Seriyaning 2020/21-yilgi mavsumi startidagi 10 ta o‘yindan 8 tasida g‘alaba qozondi. “Milan” bundan yaxshiroq natijani 1954/55-yilgi mavsumda qayd etgandi. O‘shanda jamoa mavsum startidagi 10 ta o‘yindan 9 tasida g‘alabaga erishgan.
“Milan” 26 ochko bilan A Seriya musobaqa jadvalida peshqadamlik qilmoqda va eng yaqin ta’qibchisi — “Inter”ni besh ochkoga ortda qoldirmoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)