Futbol bo‘yicha Italiya A Seriyasining 10-turidan o‘rin olgan bir qator uchrashuvlar 6-dekabr, yakshanba kuni bo‘lib o‘tdi.
“Milan” safarda “Sampdoriya” bilan bahs yuritdi. Birinchi bo‘lim yakunlanishi arafasida Frank Kessie penaltini aniq amalga oshirgan holda hisobni ochdi. 77-daqiqaga kelib Samu Kastilyexo mehmonlarning ikkinchi golini urdi. Bunga maydon egalari 82-daqiqada javob qaytarishga muvaffaq bo‘ldi.
Mazkur g‘alabadan keyin “Milan” ochkolarini 26 taga yetkazib oldi va peshqadamlikni mustahkamladi. Stefano Pioli shogirdlari eng yaqin ta’qibchi — “Inter”ni besh ochkoga ortda qoldirmoqda.
“Napoli” ushbu turda “Krotone” mehmoni bo‘ldi. Lorenso Insinye, Irving Losano, Diyego Demme va Andrea Petanyaning gollari neapolliklarga yirik hisobdagi g‘alabani taqdim etdi.
“Roma” esa o‘z uyida “Sassuolo” bilan bahsga kirishdi. 40-daqiqada Pedroning chetlatilishidan keyin o‘n kishi bo‘lib qolgan rimliklar nursiz durang qayd etdi.
A Seriya
10-tur bahslari
6-dekabr, yakshanba
“Sampdoriya” — “Milan” 1:2
Gollar: 0:1 – 45, penalti Kessie, 0:2 – 77 Kastilyexo, 1:2 – 82 Ekdal.“Sampdoriya”: Audero, Aujello (Leris, 82), Ferrari, Bereshinski (Kolli, 20), Tonelli, Torsbyu, Yankto (Damsgor, 46), Adriyen Silva (Ekdal, 46), Kandreva, Gabbyadini (la Gumina, 57), Kualyarella.
“Milan”: Donnarumma, Gabbiya, Teo, Kalabriya, Romanyoli, Salemakers (Kastilyexo, 76), Tonali, Braim Dias (Heuge, 46), Chalxono‘g‘lu (Krunich, 90), Rebich, Kessie.
Ogohlantirishlar: Kessie (5), Adriyen Silva (26), Yankto (45).
“Krotone” — “Napoli” 0:4
Gollar: 0:1 – 31 Insine, 0:2 – 58 Losano, 0:3 – 76 Demme, 0:4 – 90 Petanya.“Roma” — “Sassuolo” 0:0
Chetlatish: Pedro (40) – “Roma”.“Parma” — “Benevento” 0:0
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)