Amerikalik yengilmas bokschi Floyd Meyvezer navbatdagi jangini YouTube bloger Logan Polga qarshi o‘tkazadi. Bu haqda Meyvezer Instagram sahifasi orqali ma’lum qildi.
Jang 2021-yilning 20-fevralida bo‘lib o‘tadi. Jangning qayerda o‘tkazilishi hozircha noma’lum.
25 yoshli Pol 2019-yilning noyabrida ringda debyut qilgandi. U bloger KSI bilan bo‘lgan jangda hakamlar qaroriga ko‘ra imkoniyatni boy bergan. Uning YouTube kanalida 20 milliondan ortiq obunachi bor.
43 yoshli Meyvezer 1996-yilda boksdagi faoliyatini boshlagan. U so‘nggi jangini 2017-yilda ikki vazn toifasida UFC sobiq chempioni Konor Makgregorga qarshi o‘tkazgan va uni 10-raundda nokautga uchratgandi.
Floyd professional faoliyatidagi 50 jangda 50 ta g‘alaba qayd etgan. U so‘nggi bor 2018-yilda ringga ko‘tarilgan va ko‘rgazmali jangda yaponiyalik 20 yoshli MMA jangchisi Tenshin Nasukavani birinchi raunddayoq nokautga uchratgandi.
Mavzuga doir:
- Hashamatli qasrlar, xususiy samolyotlar, mashinalar, zargarlik buyumlari va qimmatbaho soatlar. Yengilmas bokschi Floyd Meyvezer millionlarini nimalarga sarflaydi?
- Tushunarsiz kamarlar, g‘alati hakamlik, korrupsiya va layoqatsiz rahbarlar. Boksning islohotlarga muhtojligi haqida
- Habib Nurmagomedov Floyd Meyvezerga qarshi jang qiladimi? Uning amakisi javob berdi
Izoh (0)