Ijtimoiy tarmoqlarda Davlat xaridlari portalining ma’lumotiga asosan 2020-yil davomida Bosh prokuratura UzAuto Motors’dan Lacetti, Equinox hamda Trailblazer avtomashinalarini sotib olganligi haqida xabar tarqaldi. Ushbu xabar yuzasidan Bosh prokuratura bayonot berdi.
Ma’lum qilinishicha, O‘zbekistonda koronavirus pandemiyasi tufayli xarajatlar cheklovlari kiritilishiga qadar Bosh prokuratura tomonidan UzAuto Motors’dan Lacetti hamda Equinox rusumli avtomashinalari sotib olingan. Biroq Trailblazer rusumli avtomashina xarid qilinmagan.
Equinox rusumli avtomashina Moliya vazirligining roziligi bilan qishloq xo‘jaligi va oziq-ovqat xavfsizligi sohasida qonun hujjatlari ijrosi ustidan nazoratni amalga oshirishga mas’ul bo‘lgan Bosh prokurorining o‘rinbosari (yangi shtat birligi) xizmatda foydalanishi uchun xarid qilingan.
Yuqorida ko‘rsatib o‘tilgan xizmat avtomashinalari budjetdan tashqari jamg‘arma hisobidan xarid qilinganligi ma’lum qilingan.
Ma’lumot uchun, Davlat xaridlari portalida Bosh prokuratura 114 449 000 so‘mlik 14 ta avtomobil, 349 million so‘mlik va 398 million so‘mlik 1 tadan avtomobil jami 2 milliard 349 million 286 ming so‘mga 16 ta avtomobil sotib olingani ko‘rsatilgan.
Mavzuga doir:
Izoh (0)