AQSh Respublikachilar partiyasidan senator (Alyaska shtatidan) Lizi Murkovski mamlakat prezidenti Donald Trampni prezident saylovlari yakunlari bo‘yicha, demokratlardan nomzod Jo Baydenga hokimiyatni topshirish jarayonini boshlashga chaqirdi, deb yozadi “RBK”. Bu haqda u o‘z Twitter’ida yozgan.
“Saylovlar natijalariga ta’sir qilish maqsadida AQSh qonun chiqaruvchilariga bosim o‘tkazish kampaniyasi shunchaki misli ko‘rilmagan bo‘lib qolmay, bizning demokratik jarayonga ham to‘g‘ri kelmaydi. To‘la-to‘kis va rasmiy o‘tish jarayonini boshlash vaqti keldi”, — deb yozdi Murkovski.
— Sen. Lisa Murkowski (@lisamurkowski) November 22, 2020
Eslatib o‘tamiz, AQShda prezidentlik saylovi 2020-yilning 3-noyabr kuni bo‘lib o‘tdi, ovozlar bir necha kun davomida hisoblab chiqildi, 7-noyabr kuni AQShning yirik OAVlari saylovda Bayden g‘alaba qozonganini ma’lum qildi. Donald Tramp esa mag‘lubiyatni tan olmadi va saylov bo‘yicha sudga murojaat qilishini bildirdi. U saylovlar qonunbuzarliklar bilan o‘tgan degan fikrda, shuningdek, saylovlarda mamlakat konstitutsiyasi buzilganini aytgan.
Pensilvaniya sudi Trampning Filadelfiyadagi saylovlarida qonun buzilishlari qayd etilgani bo‘yicha da’vosini rad etdi. Keyinroq Bayden hokimiyatni topshirishdan bosh tortayotgan Tramp ma’muriyatini sudga berishi mumkinligini bildirdi.
Izoh (0)