AQSh kuch tuzilmalari vakillari Donald Trampning prezidentlik davridagi so‘nggi ko‘rsatmalariga sabotaj e’lon qilishni niyat qilgan so‘nggi ikki oyga tayyorgarlik ko‘rmoqda. The Financial Times gazetasi bu haqda AQSh huquq-tartibot idoralaridagi manbalariga tayanib yozmoqda, deb xabar berdi “RBK”.
Foto: Reuters
The Financial Times’ning ta’kidlashicha, AQShdagi saylovning dastlabki natijalari Tramp uchun so‘zsiz mag‘lubiyatni ko‘rsatganiga qaramay, u kuch tuzilmalaridagi ushbu o‘zgarish fonida hokimiyat uchun kurashni davom ettirmoqda. “Trampning saylovdan keyingi ishdan bo‘shatishlari va siyosatdagi o‘zgarishlar rasmiylarni mamlakatning muhim mudofaa va razvedka infratuzilmasini uning prezident lavozimidagi so‘nggi shov-shuvlaridan himoya qilish uchun 60 kunlik yakuniy operatsiyani boshlashga undadi”, — deb yozgan gazeta.
“Odamlarni o‘ng va chapdan ishdan bo‘shatmoqda; agar siz ishdan bo‘shatilmasangiz, siz burchakka surilasiz”, — deydi kuch tuzilmalaridagi vaziyatni tavsiflovchi mudofaa vazirining sobiq maxsus yordamchisi Pol Gebxard.
9-noyabr kuni Tramp AQSh mudofaa vaziri Mark Esperning ishdan bo‘shatilishini e’lon qildi. Axios’ning ma’lumotlariga ko‘ra, prezident va Pentagon rahbari o‘rtasidagi munosabatlar 2020-yilning yozida Black Lives Matter harakati namoyishlariga qarshi chiqishlar paytida yomonlashgan. Tramp namoyishni bostirish uchun faol xizmatdagi harbiy xizmatchilarni ishlatish niyatida ekanligini aytgan va Esper esa uning fikriga qo‘shilmagan. Axios o‘z manbalariga asoslanib, mudofaa vaziridan tashqari, Federal qidiruv byurosi (FQB) direktori Kristofer Rey va Markaziy razvedka boshqarmasi rahbari Jina Xaspel ham ishdan bo‘shatilishi mumkinligi haqida yozgan. 13-noyabr kuni Reuters Tramp AQSh Kiberxavfsizlik va infratuzilma xavfsizligi agentligi (CISA) direktori Kristofer Krebsni ham ishdan bo‘shatishni rejalashtirayotganini yozgan: agentlikning xabar berishicha, prezident saylov paytida agentlik dezinformatsion veb-sayt yaratganidan norozi bo‘lgan, sayt prezidentning bir qator bayonotlarini rad etgan.
The Financial Times’ning qayd etishicha, Tramp prezidentlikdan yaqin vaqt ichida ketishiga qaramay, uning tarafdorlari orasida ham ommabop bo‘lmagan bir qator tashabbuslarni ilgari surishda davom etmoqda. Xususan, AQSh armiyasining Afg‘oniston va Iroqdan to‘liq chiqarilishi va Yamandagi husiylar harakatiga qarshi sanksiyalar qo‘llanilishi. Rasmiylar fikricha, bu tinchlik jarayonini murakkablashtirishi mumkin. Bundan tashqari, The New York Times gazetasi Tramp o‘z maslahatchilari bilan 12-noyabr kuni Eronning Netenz shahri yaqinidagi yadro inshootiga hujum qilish to‘g‘risida maslahatlashgani haqida xabar bergan. Davlat kotibi Maykl Pompeo ham, shtab boshliqlari birlashgan qo‘mitasi boshlig‘i general Mark Milli ham Trampga qarshi chiqqan va ular Trampni bu to‘laqonli harbiy nizoga olib kelishi mumkinligi haqida ogohlantirgan. Biroq, NYT ma’lumotlaridan ko‘rinib turibdiki, bu aynan Tramp izlayotgan narsa bo‘lishi mumkin: nashrning yozishicha, u ketganidan keyin Tehron bilan munosabatlarni tiklash jarayonini murakkablashtirish maqsadida Jo Baydenga uchun ataylab Eron bilan munosabatlarni buzmoqchi.
Harbiylar Trampning bunday “buzg‘unchi” harakatlarini sabotaj qilmoqchi, deya xulosa qiladi The Financial Times, shu jumladan Afg‘onistondan qo‘shinlarni olib chiqish jarayonida. “Harbiylar biron bir narsani to‘xtatmoqchi bo‘lganida sekinlashishni juda yaxshi biladi”, — dedi nashrga Jorj Bush ma’muriyatidagi sobiq mudofaa maslahatchisi Dov Zakxaym. Uning fikriga ko‘ra, harbiylar belgilangan muddatlarni buzish va qo‘shinlarni AQShga emas, shunchaki qo‘shni davlatga ko‘chirish uchun qurilmalarni tashish va bazalarni yopish bilan bog‘liq ba’zi logistik qiyinchiliklarni ko‘rsatishi mumkin. Agar qaror bekor qilinsa, bu ularning qaytib kelishini osonlashtirar edi.
The Financial Times ushbu ma’lumotni rasman tasdiqlamagan, ammo nashrning ta’kidlashicha, AQSh Mudofaa vazirligiga Afg‘onistondan qo‘shinlarni olib chiqish jarayoni to‘g‘risida so‘rov yuborganida, yilning shu davrida Afg‘onistonda ob-havo “murakkab” ekanligi aytilgan, bu esa ba’zi qurilmalarning ko‘chirilishini kechiktirishi mumkin.
