Dunyoni uch yildan, shuningdek, 20 yildan keyin ham yangi pandemiya kutmoqda. Bu haqda Microsoft asoschilaridan biri Bill Geyts aktrisa Rashida Jons bilan yozgan podkastida ma’lum qildi, deb xabar beradi “RBK”.
Aktrisa Geytsdan yangi pandemiya muqarrarligi to‘g‘risida savol bergan. “Ha. Umid qilamanki, omadimiz kelsa, u 20 yildan keyin boshlanadi”, — deydi Geyts. Shu bilan birga, u yangi epidemiologik xavf uch yildan keyin yuzaga kelishi mumkinligidan ogohlantirgan.
Geytsning so‘zlariga ko‘ra, agarda dunyo hozirgi pandemiyadan to‘g‘ri xulosa chiqarib, yangi “chaqiruv”larga tayyorlansa, keyingisi u qadar halokatli bo‘lmaydi. Xususan, Geyts Janubiy Koreya va Avstraliyaning koronavirus tarqalishiga qarshi ko‘rgan tezkor choralarini alohida ta’kidlab o‘tgan. Shuningdek, u qolgan davlatlar COVID-19 bo‘yicha o‘tkazilayotgan testlar samaradorligini oshirishi lozimligini aytgan.
Avvalroq Microsoft asoschisi Rashida Jons bilan podkasti davomida pandemiya vaqtida niqob taqishdan bosh tortayotganlarning harakatini g‘alati deb atagan edi. Shuningdek, u pandemiya sabab xizmat safarlari 50 foizga, ofisdagi ish kunlari 30 foizga qisqarishini taxmin qilgan.
Izoh (0)