Дунёни уч йилдан, шунингдек, 20 йилдан кейин ҳам янги пандемия кутмоқда. Бу ҳақда Microsoft асосчиларидан бири Билл Гейтс актриса Рашида Жонс билан ёзган подкастида маълум қилди, деб хабар беради «РБК».
Актриса Гейтсдан янги пандемия муқаррарлиги тўғрисида савол берган. «Ҳа. Умид қиламанки, омадимиз келса, у 20 йилдан кейин бошланади», — дейди Гейтс. Шу билан бирга, у янги эпидемиологик хавф уч йилдан кейин юзага келиши мумкинлигидан огоҳлантирган.
Гейтснинг сўзларига кўра, агарда дунё ҳозирги пандемиядан тўғри хулоса чиқариб, янги «чақирув»ларга тайёрланса, кейингиси у қадар ҳалокатли бўлмайди. Хусусан, Гейтс Жанубий Корея ва Австралиянинг коронавирус тарқалишига қарши кўрган тезкор чораларини алоҳида таъкидлаб ўтган. Шунингдек, у қолган давлатлар COVID-19 бўйича ўтказилаётган тестлар самарадорлигини ошириши лозимлигини айтган.
Аввалроқ Microsoft асосчиси Рашида Жонс билан подкасти давомида пандемия вақтида ниқоб тақишдан бош тортаётганларнинг ҳаракатини ғалати деб атаган эди. Шунингдек, у пандемия сабаб хизмат сафарлари 50 фоизга, офисдаги иш кунлари 30 фоизга қисқаришини тахмин қилган.
Изоҳ (0)