Toshkent viloyatida qaysi hudud avtomashinalari eng ko‘p qoida buzgani ma’lum qilindi

Toshkent viloyat hududida 2020-yil boshidan buyon hozirgi kunga qadar fotoradarlar orqali jami 457 828 ta tezlikni me’yoridan oshirib, transport vositasini boshqarganlik holatlari aniqlangan. Bu ko‘rsatkich respublikaning boshqa hududlariga qaraganda ancha yuqori hisoblanadi. Bu haqda Toshkent viloyati YHXB matbuot xizmati “Daryo”ga ma’lum qildi.

Quyida turli hudud avtomashinalari Toshkent viloyatida necha marotaba tezlikni oshirib qoida buzgani ma’lum qilingan:

• Toshkent shahrida ro‘yxatda turuvchi transport vositalari — 208866 ta qoidabuzarlik;
• Toshkent viloyatida ro‘yxatda turuvchi transport vositalari — 116053 ta qoidabuzarlik;
• Sirdaryo viloyatida ro‘yxatda turuvchi transport vositalari – 15014 ta qoidabuzarlik;
• Jizzax viloyatida ro‘yxatda turuvchi transport vositalari – 11337 ta qoidabuzarlik;
• Samarqand viloyatida ro‘yxatda turuvchi transport vositalari – 16280 ta qoidabuzarlik;
• Farg‘ona viloyatida ro‘yxatda turuvchi transport vositalari – 23953 ta qoidabuzarlik;
• Namangan viloyatida ro‘yxatda turuvchi transport vositalari – 16460 ta qoidabuzarlik;
• Andijon viloyatida ro‘yxatda turuvchi transport vositalari – 14850 ta qoidabuzarlik;
• Qashqadaryo viloyatida ro‘yxatda turuvchi transport vositalari – 13147 ta qoidabuzarlik;
• Surxondaryo viloyatida ro‘yxatda turuvchi transport vositalari — 6301 ta qoidabuzarlik;
• Buxoro viloyatida ro‘yxatda turuvchi transport vositalari — 5994 ta qoidabuzarlik;
• Navoiy viloyatida ro‘yxatda turuvchi transport vositalari – 3432 ta qoidabuzarlik;
• Xorazm viloyatida ro‘yxatda turuvchi transport vositalari – 3079 ta qoidabuzarlik;
• Qoraqalpog‘istonda ro‘yxatda turuvchi transport vositalari — 1649 ta qoidabuzarlik sodir etib tezlik me’yoriga amal qilmagan.

Ma’lum qilinishicha, Toshkent viloyati hududidagi avtomobil yo‘llarida radarlar tezlikni nazorat qilishda davom etadi.

Avvalroq O‘zbekistonda endi mobil telefonda tasvirga olingan yo‘llardagi qoidabuzarliklar uchun jarima solinishi haqida xabar qilingandi.