Тошкент вилоятида қайси ҳудуд автомашиналари энг кўп қоида бузгани маълум қилинди

Тошкент вилоят ҳудудида 2020 йил бошидан буён ҳозирги кунга қадар фоторадарлар орқали жами 457 828 та тезликни меъёридан ошириб, транспорт воситасини бошқарганлик ҳолатлари аниқланган. Бу кўрсаткич республиканинг бошқа ҳудудларига қараганда анча юқори ҳисобланади. Бу ҳақда Тошкент вилояти ЙҲХБ матбуот хизмати «Дарё»га маълум қилди.

Қуйида турли ҳудуд автомашиналари Тошкент вилоятида неча маротаба тезликни ошириб қоида бузгани маълум қилинган:

• Тошкент шаҳрида рўйхатда турувчи транспорт воситалари — 208866 та қоидабузарлик;
• Тошкент вилоятида рўйхатда турувчи транспорт воситалари — 116053 та қоидабузарлик;
• Сирдарё вилоятида рўйхатда турувчи транспорт воситалари – 15014 та қоидабузарлик;
• Жиззах вилоятида рўйхатда турувчи транспорт воситалари – 11337 та қоидабузарлик;
• Самарқанд вилоятида рўйхатда турувчи транспорт воситалари – 16280 та қоидабузарлик;
• Фарғона вилоятида рўйхатда турувчи транспорт воситалари – 23953 та қоидабузарлик;
• Наманган вилоятида рўйхатда турувчи транспорт воситалари – 16460 та қоидабузарлик;
• Андижон вилоятида рўйхатда турувчи транспорт воситалари – 14850 та қоидабузарлик;
• Қашқадарё вилоятида рўйхатда турувчи транспорт воситалари – 13147 та қоидабузарлик;
• Сурхондарё вилоятида рўйхатда турувчи транспорт воситалари — 6301 та қоидабузарлик;
• Бухоро вилоятида рўйхатда турувчи транспорт воситалари — 5994 та қоидабузарлик;
• Навоий вилоятида рўйхатда турувчи транспорт воситалари – 3432 та қоидабузарлик;
• Хоразм вилоятида рўйхатда турувчи транспорт воситалари – 3079 та қоидабузарлик;
• Қорақалпоғистонда рўйхатда турувчи транспорт воситалари — 1649 та қоидабузарлик содир этиб тезлик меъёрига амал қилмаган.

Маълум қилинишича, Тошкент вилояти ҳудудидаги автомобиль йўлларида радарлар тезликни назорат қилишда давом этади.

Аввалроқ Ўзбекистонда энди мобил телефонда тасвирга олинган йўллардаги қоидабузарликлар учун жарима солиниши ҳақида хабар қилинганди.