Jizzax viloyati Jizzax shahrida yuk mashinasida yong‘in kelib chiqdi, deb xabar bermoqda YHXBB.
Ma’lum qilinishicha, 2020-yilning 16-noyabr kuni soat 10:45 larda Jizzax viloyati Jizzax shahar “Qassoblik” mahallasi Sharof Rashidov shohko‘chasida harakatlanib ketayotgan HOWO rusumli yuk avtomobilida yong‘in yuzaga kelgan. Haydovchi transport vositasini tark etishga ulgurgan.
Yong‘in o‘t o‘chiruvchilar tomonidan bartaraf etilgan.
Yong‘in natijasida tan jarohati olganlar yo‘q. Yuk avtomobilining salon va dvigatel qismlari yong‘indan zararlangan.
Mazkur hodisa yuzasidan Jizzax shahar IIO FMB YHXB va Favqulodda vaziyatlar boshqarmasi tomonidan surishtiruv ishlari olib borilib, yong‘in sabablariga aniqlik kiritilmoqda.
Avvalroq Qamchiq dovonida Mercedes Sprinter, Toshkentda ustaxonada qoldirilgan Opel Vectra hamda Zangiotadagi gaz quyish shoxobchasida haydovchining ehtiyotsizligi sababli Labo yonib ketgani haqida xabar berilgan edi.
Izoh (0)