Surxondaryo viloyati Denov tumanida Nexia avtomashinasi “ZIL”ga borib urilishi oqibatida yo‘l-transport hodisasi sodir bo‘ldi, deya xabar bermoqda YHXBB.
Ma’lum qilinishicha, 2020-yilning 12-noyabr kuni soat 21:00 larda Surxondaryo viloyatining Denov tumani “Ibn Sino” mahallasida 2000-yilda tug‘ilgan haydovchi boshqaruvidagi Nexia avtomashinasi tezlikni oshirishi natijasida shu yo‘nalishda harakatlanib ketayotgan “ZIL” yuk mashinasining orqasiga urilgan.
YTH oqibatda Nexia ichidagi 2001-yilda tug‘ilgan yo‘lovchi voqea joyida halok bo‘lgan.
Surxondaryo viloyati IIB YHXB boshlig‘ining ta’kidlashicha, haydovchining tajribasizligi hamda ko‘rish cheklangan xavfli burilishda tezlikni oshirgani YTHga sabab bo‘lgan.
Mas’ullar YTH sodir etilgan hududida 3 kun ichida yo‘l chiziqlari, yoritish chiroqlari hamda hudud yaqinida maktab borligini inobatga olib piyodalar yo‘lakchasi va sun’iy notekislik tashkil qilish rejalashtirilganini ta’kidladi.
Avvalroq Farg‘onada Damas’ni ruxsatsiz haydagan 11 yoshli bola 2 yashar qizning o‘limiga sababchi bo‘lgani, Uychida BMW piyoda ayolni urib ketishi oqibatida jabrlanuvchi vafot etgani hamda Surxondaryo viloyati Uzun tumanida sodir bo‘lgan YTH oqibatida 4 yoshli bola hayotdan ko‘z yumgani haqida xabar berilgandi.
Izoh (0)